Býrabaı aýdanynda shıpajaıdan órt shyqty

BÝRABAI. QazAqparat – Aqmola oblysynyń aýmaǵyndaǵy Şýche-Býrabaı kýrorttyq aımaǵynda shıpajaılardyń birinen órt shyqty, dep habarlaıdy QazAqparat.

«Almaz» shıpajaıynda jazǵy aǵash korpýsy qazandyqtaǵy órt saldarynan órtengen. Ormanǵa jáne negizgi ǵımaratqa taralý qaýpi joq. Órt 700 m² aýmaqty qamtyǵan. Zardap shekkender joq», - dedi Býrabaı aýdandyq ákimdiginen.

Buǵan deıin Qazaqstandaǵy eki tabıǵı saıabaqta órt monıtorıngi júıesi bar ekendigi habarlanǵan bolatyn. Memlekettik orman qory aýmaǵyndaǵy órtterdi beınebaqylaý jáne monıtorıngileý júıeleri «Býrabaı» memlekettik ulttyq tabıǵı parkinde jáne «Semeı ormany» memlekettik orman tabıǵı rezervatynda bar.

Vıdeodan alynǵan kadr