Býrabaı aýdanynda saıatshylyq óneri nasıhattaldy
«Osydan 2 jyl buryn Aqmola oblysynda «Salburyn« ańshylyq ortalyǵy quryldy. Maqsat - atadan qalǵan dástúrdi keleshek urpaqqa jetkizý. Saıatshylyq ónerdi joǵaltpaı, kerisinshe dáripteý. Bul degenimiz tek ań aýlaý ǵana degen sóz emes. Onyń ózindik paıdasy jeterlik. Aıtar bolsaq, atqa miný adam densaýlyǵyna paıdaly, ıt ustaý adamdy shıraqtylyqqa úıretedi jáne taǵy basqa. Búginde bizdiń ortalyqqa qarasty 200 myń ga jer bar, onda ańnyń barlyq túri kezdesedi. Sondaı-aq, ańshylyqqa qajetiniń bári bar. ıAǵnı ózimizdiń ańshymyz, atymyz, tazymyz jáne basqa da ańshyǵa qajetti buıymdar», - dedi «Salburyn» ulttyq ańshylyq ortalyǵynyń dırektory, atalǵan sharany uıymdastyrýshy Qanat Ahmetov.
Kópshilik aldynda ańshylyq ónerdi nasıhattaý úshin 2 ıtbegi, 1 búrkitshi jáne qaǵýshy ańǵa shyǵyp baq synady.
«Elimizde saıatshylyq ónerdi ulyqtaıtyn 2 ortalyq bar. Biri osy Aqmola oblysynda, ekinshisi Almaty oblysynda. Biz qazirgi ýaqytta ańshylyq ónerdi keńinen nasıhattaý úshin ony kópshilikke demalys túri retinde usynýdamyz. ıAǵnı ańshylyqty týrıstik qyzmet túri deýge bolady. Odan bólek, ań aýlaımyn, atqa minemin, tazy ustaımyn deýshi qyzyǵýshylar bolsa, biz olarǵa úıretemiz. Sol sııaqty ańshylyq ónerden basqa da ulttyq dástúrlerimizdi dáriptep kórsetemiz», - deıdi «Qansonar» respýblıkalyq qaýymdastyǵynyń basqarma tóraǵasy Oralbaı Ábdikárimov.
Aıta keteıik, Býrabaıdaǵy saıatshylyq ónerdi nasıhattaý maqsatynda BAQ ókilderine arnalǵan baspasóz týry ótti.