Býrabaı aýdanynda saıajaı órtendi

<p>ASTANA. KAZINFORM — Aqmola oblysynda TJM qyzmetkerleri órttiń taralýyna jol bermedi, dep habarlaıdy vedomstvonyń baspasóz qyzmeti.</p>

Býrabaı aýdany Zelenyı Bor aýylyndaǵy saıajaı kooperatıvinde órt shyqty. Órt bir shatyrdyń astyndaǵy saıajaı úıin, monshany jáne aýla qurylystaryn sharpydy. Órt sóndirýshiler kelgen kezde úı tolyǵymen órtke oranyp, qalyń tútin shyǵyp jatty.

— Órt sóndirýshiler 300 sharshy metr alańdaǵy órtti jedel túrde sóndirip, jaqyn mańdaǵy saıajaı úılerine órttiń taralýyna jol bermedi. Zardap shekkender joq, sebebi anyqtalýda. ️Tótenshe jaǵdaı týyndaǵan jaǵdaıda 112 nómirine habarlasyńyz! , — delingen TJM taratqan aqparatta.

Eske salsaq, buǵan deıin Aqtóbede órtengen transformator ishinen adam denesi tabylǵanyn jazdyq.