Býrabaı aýdanynda 40-qa jýyq otbasy baspanaly boldy
Aqmola oblysy ákimdigi baspasóz qyzmetiniń málimetinshe, jyl sońyna deıin Býrabaı aýdanynda barlyǵy 40 páter satyp alý josparlanǵan.
Jańa páterlerdiń kiltin tapsyrǵan Aqmola oblysynyń ákimi Marat Ahmetjanov Memleket basshysynyń bastamasymen qurylǵan jańa baǵdarlamanyń arqasynda baspana máselesin jedel sheshýge múmkindik týyp otyrǵandyǵyn atap ótti.
«Bul shara kópbalaly otbasylardyń, jetim balalardyń, múmkindigi shekteýli jandardyń jáne basqa da áleýmettik mańyzy bar sanattaǵy adamdardyń páter máselesin sheshýge kómektesedi. Eń bastysy -turǵyn úıge kezekti aıtarlyqtaı qysqartýǵa múmkindik beredi. Bul baǵdarlama boıynsha oblys boıynsha 900-ge jýyq páter satyp alynady. Basty mindet – turǵyndardyń ómir spasyn jaqsartý», - dedi Marat Ahmetjanov.
Aıtýynsha, Kókshetaý, Qosshy qalalarynda jáne Zerendi aýdanynda 200-ge jýyq otbasy páter kiltin aldy. Kópbalaly ana Elena Kýdaeva baspana kezeginde 12 jyl turǵan.
«Qýanyshymdy sózben aıtyp jetkizý múmkin emes. Áli de óz ózime sen almaı otyrmyn. Ózimmen birge 8 bala turady. Páter óte jaıly, jóndelgen ári bólmeleri keń. Osy baǵdarlama úshin Memleket basshysyna alǵysym sheksiz», - dep qýanyshymen bólisti Elena Kýdaeva.
Sonymen birge, aýdanda medıtsına qyzmetkerleri arasynda kadr tapshylyǵyn azaıtý, sondaı-aq óńirge dáriger mamandardy tartý maqsatynda 45 páterlik úı salyndy.
Osy kúni 30 medıtsına qyzmetkeri - jalpy praktıka dárigerleri, endoskopıst, anastezıolog-reanımatolog, hırýrg, kardıolog, balalar konsýltatsııasynyń dárigerleri men pedıatrlary qyzmettik baspana aldy.
Eske salaıyq, Aqmolada sý tasqynynan keıin dalada qalǵan 216 otbasyna páter satyp alyndy.