Býrabaı aýasy óte joǵary deńgeıde lastanǵan óńirler tizimine kirdi

ASTANA. QazAqparat – Ekologııa jáne tabıǵı resýrstar mınıstrligi 2023 jyldyń ekinshi toqsanyndaǵy qorshaǵan ortanyń jaı-kúıi týraly aqparat bıýlletenin jarııalady, dep habarlaıdy QazAqparat tilshisi.

«2023 jylǵy 2-toqsanda 69 eldi mekenniń ishinen 18 eldi meken atmosferalyq aýanyń tómen lastaný deńgeıine, 23 eldi meken kóterińki lastaný deńgeıine, 23 eldi meken joǵary lastaný deńgeıine, 5 eldi meken óte joǵary lastaný deńgeıine jatqyzyldy», - dep jazylǵan aqparat bıýlleteninde.

Naqtyraq aıtsaq, lastanýdyń óte joǵary deńgeıi Qaraǵandy, Almaty, Astana, Abaı qalalary men Býrabaı kentinde tirkelgen.

Al. lastanýdyń joǵary deńgeıine 23 eldi meken: Óskemen, Aqtóbe, Shymkent, Oral, Taraz, Taldyqorǵan, Petropavl, Temirtaý, Jezqazǵan, Aqtaý, Qandyaǵash, Hromtaý, Sátbaev, Rýdnyı, Arqalyq, Qulsary, Lısakovsk, Túrkistan, Talǵar, qalalary, Maqat, Inderbor kentteri, Keńkııaq, Jańbaı aýyldary jatqyzylyp otyr.

Kóterińki deńgeıdegi lastaný Atyraý, Balqash, Semeı, Pavlodar, Rıdder, Aıagóz, Aqsaı, Kókshetaý, Stepnogorsk, Jańatas, Jarkent, Qostanaı, Jitiqara, Saran, Shemonaıha, Jańaózen qalalary men Saztóbe, Áýázov, Qarabalyq, Shubarshy kentterinde, Beıneý, Qyzylsaı, Ganıýshkıno aýyldarynda tirkelgen. Lastanýdyń tómen deńgeıi Atbasar, Şýchınsk, Altaı, Aqsý, Shý, Kentaý, Qarataý, Qyzylorda, Aral, Ekibastuz qalalarynda, Glýbokoe, Aqsý, Tóretam, Áıteke bı kentterinde, Qordaı, Bórli, Aqaı, Shıeli aýyldarynda baıqalǵan.