Býrabaı ákimi Şýche qalasynyń jylytý júıesine mazýttyń aǵý sebebin túsindirdi

<p>Şýche qalasyndaǵy jylý qubyryndaǵy ystyq sýǵa mazýt tógilgen. Býrabaı aýdanynyń ákimi Araı Sadyqov buǵan jylý qazandyǵyndaǵy apat sebep bolǵanyn jáne qazirgi kezde jylytý júıesinde tazartý jumystary júrgizilip jatqandyǵyn málim etti, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform</a>.</p>

Aýdan ákimi Araı Sadyqovtyń aıtýynsha, jeltoqsannyń 3-de Şýche qalasynyń №12 qazandyǵynyń mazýt ydysyndaǵy bý qubyrynda dıametri 32 mm jaryq paıda bolǵan. Bul rette qazandyqtyń sý qubyry júıesine az mólsherde mazýt túsip, keıinnen jylý júıesine tarady. Salqyndatqyshtyń aınalymy kezinde sý qospasy qazandyqqa jaqyn ornalasqan nysandardyń ishki jylý júıesine tústi, onyń ishinde 5 kóppáterli turǵyn úı jáne № 8 mektep-gımnazııasy bar. Bul qazandyq «Stantsıonnyı» shaǵynaýdanyn jáne Býrabaı kýrorty stantsııasynyń temir jol kásiporyndaryn jylýmen qamtamasyz etedi.

- Qazirgi ýaqytta «Jańa Turmys 2020» JShS qyzmetkerleriniń kúshimen №8 mektep-gımnazııasynda jylý júıesin tazartý jumystary júrgizilip jatyr. Jylýmen jabdyqtaý júıesine taza sý beriledi. Şýche qalasynyń barlyq 7 qazandyǵy shtattyq rejımde jumys istep tur, jylý berý syrtqy aýa kestesine sáıkes júzege asyrylady, - dep jazdy aýdan ákimi áleýmettik jelidegi paraqshasynda.

Aıtýynsha, qala turǵyndary jylýmen jabdyqtaý sapasy máseleleri boıynsha «Jańa Turmys 2020» JShS dıspetcherlik bólmesine 44300 telefony boıynsha habarlasa alady.

Aıta ketsek, budan buryn Semeıde úsh jylý qazandyǵynda 67 mln teńge bekerge ysyrap bolǵanyn jazǵan edik.