Býndestag depýtaty QR Prezıdentine nemis dıasporasyna qoldaý bildirgeni úshin alǵys aıtty
«Germanııa Federaldyq úkimetiniń qonys aýdarýshylar men az ulttar máselesi jónindegi ýákili H.Koshık Nursultan Nazarbaevqa Qazaqstandaǵy nemis dıasporasy ókilderiniń ıgiligi úshin jemisti yntymaqtastyqty qoldap, tikeleı nazar aýdaryp kele jatqany úshin alǵys aıtady», delingen habarlamada.
«Qazaqstan halqy Assambleıasynyń HHІІ sessııasynda «Alǵys aıtý» kúniniń negizdemesin jarııalap, rejım kezeńinde Qazaqstanǵa kúshtep jer aýdarylǵan 800 myń nemistiń qasiretti taǵdyry týraly aıtqanyńyz úshin Sizge aıryqsha rızashylyǵymdy bildiremin. Qazirgi ýaqytta Germanııada turyp jatqan, Sizdiń elden kelgen kóptegen nemister sol qıyn ýaqyttardaǵy qazaq halqynyń jyly qarym-qatynasy men dostyq peıilin zor iltıpatpen eske alady», - delingen hatta.
Sondaı-aq H.Koshık Nursultan Nazarbaevty Germanııa Federaldyq úkimeti bizdiń el úkimetimen tyǵyz yntymaqtastyqty jalǵastyratynyna, respýblıkamyzdyń saıası, qoǵamdyq jáne ekonomıkalyq damýyna el ıgiligi úshin ózderiniń qomaqty úlesin qosyp kele jatqan Qazaqstandaǵy nemis dıasporasy ókilderine bolashaqta da qoldaý kórsete beretinine sendirdi.