Búlingen jerdi qalpyna keltirý: Aýyl sharýashylyǵy mınıstrligine qosymsha quzyret berilmek

ASTANA. QazAqparat – Aýyl sharýashylyǵy mınıstrligi búlingen jerlerdi qalpyna keltirý tártipterin ázirleý úshin vedomstvoǵa qosymsha quzyret berýdi usyndy. Bul bastama «Ashyq» NQA portalynda jarııalanǵan Úkimet qaýlysynda jazylǵan, dep habarlaıdy QazAqparat tilshisi.

«Aýyl sharýashylyǵy mınıstrligi búlingen jerlerdi qalpyna keltirý jobalaryn ázirleý jónindegi nusqaýlyqty ázirleıdi jáne bekitedi», - delingen Úkimet qaýlysynda.

Qujatqa qosymsha berilgen túsindirmede vedomstvoǵa atlǵan fýnktsııany berý - búlingen jerlerdi qalpyna keltirý tártipterin ázirleýge múmkindik beretini kórsetilgen.

«Jer ýchaskeleriniń menshik ıeleri men jer paıdalanýshylar búlingen jerlerdi rekýltıvatsııalaýǵa, olardyń qunarlylyǵyn jáne jerdiń basqa da paıdaly qasıetterin qalpyna keltirýge jáne ony der kezinde sharýashylyq aınalymyna tartýǵa baǵyttalǵan is-sharalardy júzege asyrýǵa mindetti. Kóbinese aýyl sharýashylyǵy alqaptarynda jerdiń buzylýy oryn alady. Mundaı jerlerdi qalpyna keltirý úshin rekýltıvatsııa jumystaryn júrgizý qajet. Sondyqtan qujattardyń tártibin, tizbesin anyqtaý úshin keshendi nusqaýlyq ázirleý qajet. Osyǵan baılanysty mınıstrliktiń quzyryna búlingen jerlerdi rekýltıvatsııalaý jobalaryn ázirleý jáne bekitý fýnktsııasyn engizýdi usynamyz», - dep qaýlyǵa túsindirme berilgen.

Qujat 3 sáýirge deıin kópshilik talqylaýda bolady.