Búldirshindi teýip jibergen sheteldik elden qýylady - Dınara Zákıeva
Almaty oblysynyń Qarasaı aýdanyndaǵy saýda ortalyǵynda 4 jasar qyz balany er adam teýip ushyrǵan. Jedel-izdestirý is-sharasy barysynda tártip saqshylary 1998 jylǵy Túrkııa Respýblıkasynyń azamatyn anyqtap, polıtsııaǵa jetkizdi. Kúdikti jaýap alý barysynda oqıǵany baıandap, óz kinásin tolyq moıyndady.
«Keshe maǵan saýda ortalyǵynda qyz balanyń tepkiden qulaǵany týraly aqparat kelip tústi. Bul jaıt «Buzaqylyq» baby boıynsha tirkeldi. Áreketti jasaǵan adam ustalyp, ýaqytsha ustaý ızolıatoryna qamaýǵa alyndy. Almaty oblysynyń Polıtsııa departamentimen baılanystamyn. Bul fakt boıynsha sot sheshimi kúshine engennen keıin, jazasyn munda ótegennen keıin ony QR shekarasynan shyǵarýǵa baǵyttalǵan sot protsesi bastalady», - dep jazdy Dınara Zákıeva áleýmettik jelidegi paraqshasynda.
Sonymen qatar, ýákil zańnamada balalarǵa qatysty qylmystyń osyndaı quramyna baılanysty bap joq ekenin atap ótti. Sondyqtan, aıyptalýshy «kámeletke tolmaǵanǵa qatysty jasalǵan is-áreket» degen aýyrlatýshy biliktilik belgisi de joq «Buzaqylyq» baby boıynsha jaýapqa tartylady.
«Osyǵan baılanysty biz qazir Іshki ister mınıstrligimen birlesip, zańnamaǵa balalarǵa jasalǵan zorlyq-zombylyqqa qatysty tıisti baptardy engizý jumysyn bastadyq. Jalpy, túzetýler balalardyń qaýipsizdigin qamtamasyz etýge qatysty ártúrli salamen baılanysty. Zańnamaǵa usynystar paketin QR Parlamentine osy kúzde berýdi josparlap otyrmyz», - dedi Bala quqyqtary jónindegi ýákil.