Bul jolǵy saılaý bılik pen halyq arasyndaǵy senimdi kórsetti – sarapshy

NUR-SULTAN. QazAqparat – Saılaýdy merekege balaý – bizdiń tarıhı mádenıetimizdiń bir bóligi. Bul týraly Sailau Talks-2021 sharasynda Etnosaıası zertteýler ınstıtýtynyń dırektory Talǵat Qalıev aıtty, dep habarlaıdy QazAqparat tilshisi.

«Men birqatar memlekette ótken saılaýda baıqaýshy boldym, tájirıbem bar. Saılaý – qazaqtar úshin mereke. Tipti sábıiniń esimin Saılaý dep ataıtyndar bar. Saılaýǵa áıelder áli kúnge deıin balalarymen birge keledi. Soǵan qaraǵandaı saılaýdy merekege balaý bizdiń tarıhı mádenıetimizdiń bir bóligi shyǵar», - deıdi Etnosaıası zertteýler ınstıtýtynyń dırektory Talǵat Qalıev.

Onyń aıtýynsha, saılaý ýchaskesinde sanıtarlyq talaptar tolyq saqtalǵan, sol sebepti saılaýǵa kelýshilerdiń qatary kóp bolǵan.

«Saılaý ýchaskesinde maska, medıtsınalyq qolǵap taratylyp, sanıtaızer ornatylýy, dene qyzýyn ólsheý saılaýǵa halyqtyń kóp kelýine sebep boldy, ıaǵnı qaýipsizdik sharalary saqtalmaı qalady degen qorqynysh bolǵan joq. Halyq saılaýǵa belsendi qatysty, bul halyq pen bılik arasyndaǵy senimdi bildiredi», - deıdi ol.

Eske sala ketsek, buǵan deıin Sailau Talks-2021 sarapshylary ótip jatqan saılaýdyń mańyzdylyǵy talqylaıtynyn jazǵan bolatynyz.

Іs-sharany Qazaqstan saıası ǵylymdar qaýymdastyǵy «QazAqparat» Halyqaralyq aqparat agenttiginiń qoldaýymen uıymdastyryp otyr.