Bul – jaýapty tańdaý: Alǵash ret daýys bergen Qytaıdaǵy qazaqstandyq stýdent

BEIJІŃ. QazAqparat – Qytaıdyń joǵary oqý ornynda oqıtyn qazaqstandyq stýdentter Temirlan Bısenov pen Jánibek Sovet saılaýda alǵash ret daýys berdi, dep habarlaıdy QazAqparat tilshisi.

Beıjińdegi №257 saılaý ýchaskesinde birinshi bolyp daýys bergen Qazaqstan azamattarynyń biri Beıjiń Til jáne mádenıet ýnıversıtetiniń stýdenti Temirlan Bısenov pen Beıjiń ýnıversıtetiniń stýdenti Jánibek Sovet boldy.

«Shynymdy aıtsam, saılaýǵa birinshi ret qatysqandyqtan óte qatty tolqyp turmyn. Men úshin bul jaýapty tańdaý, óıtkeni ózimniń saılaý quqyǵymdy paıdalandym», - dep pikirimen bólisti J.Sovet.

Daýys berýge alǵash ret qatysqan qazaqstandyq jastar kádesyılarǵa ıe boldy.

Eske sala keteıik, búgin, 10 qańtar kúni Nur-Sultan ýaqyty boıynsha saǵat 05:00-de (jergilikti ýaqyt boıynsha saǵat 07:00-de) Qazaqstannyń Qytaıdaǵy Elshiligi (ǵımaraty Beıjińde) jáne Shanhaı qalasyndaǵy QR Bas konsýldyǵy janyndaǵy saılaý ýchaskeleri óz jumysyn bastady.

Beıjińde stýdentter, dıplomattar, ulttyq kompanııalardyń ókilderi jáne olardyń otbasy músheleri daýys bere alady.

Shanhaı qalasyndaǵy Bas konsýldyq janyndaǵy saılaý ýchaskesinde (№294) Qytaıdyń Tszıansý, Tszıansı, Anhoı, Chjetszıan, Fýtszıan provıntsııalarynda jáne Shanhaı qalasynda turatyn Qazaqstan azamattary daýys bere alady.

Buǵan deıin habarlaǵanymyzdaı, búgin Qazaqstanda QR Parlamentiniń Májilisine jáne máslıhattarǵa depýtattardy saılaý ótip jatyr. Qazaqstandyqtar 5 partııanyń biri úshin daýys bere alady: «Aýyl» halyqtyq-demokratııalyq patrıottyq partııasy, «Nur Otan» partııasy, «ADAL» saıası partııasy, «Aq jol» demokratııalyq partııasy, Qazaqstannyń halyq partııasy.

Avtory Rýslan Súleımenov