Bul úsh jyl men úshin úlken ómir mektebi boldy: Jeńis Qasymbek qaraǵandylyqtarmen qoshtasty

ASTANA. QazAqparat – Qaraǵandy oblysynyń eks-ákimi Jeńis Qasymbek Facebook paraqshasynda qaraǵandylyqtarmen qoshtasty, dep habarlaıdy QazAqparat.

«Qurmetti dostar!

Búgin men Qaraǵandy oblysynyń ákimi laýazymyndaǵy óz jumysymdy aıaqtadym. Bul úsh jyl men úshin úlken ómir mektebi boldy.

Birinshi kezekte men azamattardyń, kenshilerdiń, metallýrgterdiń, jastardyń jáne aýyl turǵyndarynyń múddesi úshin jumys isteýge tyrystym. Aldymyzǵa qoıylǵan mindetterdi sheshýde men árqashan sizderdiń qoldaýlaryńyzdy sezindim, sondaı-aq eskertýlerińiz ben usynystaryńyzdy tyńdadym.

Maǵan tanytqan senimderińiz úshin barlyǵyńyzǵa shynaıy alǵys aıtamyn. Bizdiń óńirge amandyq pen odan ári órkendeý tileımin!»,-dep jazdy, Jeńis Qasymbek.

Foto: facebook.com/Jenis Qasymbek