Bul saılaý Jańa Qazaqstannyń bastamasy – Abaıdyń nemere týysy Manataı aqsaqal

SEMEI. QazAqparat – Uly aqyn Abaı Qunanbaıulynyń nemere týysy Manataı Tolǵanbaev saılaýda daýys berdi, dep habarlaıdy QazAqparat tilshisi.

Abaı oblysyndaǵy Abaı aýdanynda turatyn 86 jastaǵy Manataı Tolǵanbaev QR Parlamenti Májilisi men barlyq deńgeıdegi máslıhat depýtattarynyń kezekten tys saılaýyna qatysyp, daýys berdi.

«Bul saılaý Jańa Qazaqstan qurýdyń bastamasy. Sol úshin saılaýǵa bárimiz qatysyp jatyrmyz. El kelesheginen zor úmit kútemiz. Jańǵyrý, jańarý kezeńi bastalyp, halyqtyń ál-aýqaty, turmysy jańarady dep senemiz», - deıdi uly aqynnyń nemere týysy Manataı aqsaqal.

Aıta keteıik, Abaı oblysynda barlyǵy 478 saılaý ýchaskesi jumys istep tur. Óńir boıynsha saılaýshylardyń jalpy sany - 416 030 adam. Onyń ishinde 2684-i - múgedektigi bar adam. Barlyq saılaý ýchaskesinde olarǵa tıisti jaǵdaı jasalǵan.

Eske salsaq, osyǵan deıin saılaý kúni shańyraq kótergen semeılik eki jastyń daýys bergenin habarlaǵan edik.