Bul referendým halyqtyń bılikke degen senimsizdigin azaıtady – Aıdos Sarym

NUR-SULTAN. QazAqparat – Konstıtýtsııaǵa túzetýler engizý jónindegi respýblıkalyq referendým qoǵamdaǵy senimsizdikterdi eńserýge múmkindik beredi. QR Parlamenti Májilis depýtaty Aıdos Sarym osyndaı pikir aıtty, dep habarlaıdy QazAqparat tilshisi.

«Jalpy referendým ótkizý mańyzdy qadam bolmaq. Sońǵy ret 1995 jyly referendým ótken edi. Sońǵy ári alǵashqy ret sol kezde ótipti. Qazir kóbimiz referendým degenniń ne ekenin umyta da bastadyq. Sondaı-aq qoǵamdaǵy senimsizdik boıynsha da máseleler bar. Sondyqtan Konstıtýtsııaǵa túzetýler engizý men búkilhalyqtyq referendým ótkizý mańyzdy. Bul túzetýlerdi Parlament arqyly ótkizý ońaı bolar edi. Bizde ondaı protsedýra bar jáne qoldanylǵan. Biraq bul qolǵa alynǵan reformalarǵa jańa lep berý úshin, memleketti basqarý isine halyqty aralastyrý úshin, Ekinshi respýblıkany iske qosý úshin qajet sımvolıkalyq qadam. Qazir qoldanyp júrgen Konstıtýtsııa referendýmda qabyldanǵanyn bilemiz. Birinshi respýblıkanyń negizin sol konstıtýtsııa qalaǵan edi. Eger Ekinshi respýblıkany qurý halyqtyń óz qalaýyn bildirýden bastalsa, qoǵamdy toptastyra alady dep olaımyn. Referendým qoǵamǵa da, bılikke jaǵymdy serpin beredi. Óıtkeni úlken qundylyqtar tóńireginde, eldiń júıequraýshy qujatynyń aınalasyna toptasýǵa múmkindik týyndaıdy», – dedi Aıdos Sarym.

Májilis ókili Prezıdent Qasym-Jomart Toqaev bastamashy bolǵan konstıtýtsııalyq túzetýlerdiń paketi memlekettik basqarý salasyn teńgerimge keltirýge baǵyttalǵan.

«Prezıdent ókiletiniń birqatar fınýnktsııasy Parlamentke beriledi. Azamattardyń quqyqtaryn qorǵaıtyn jańa organ – Konstıtýtsııalyq sot qurylady. Ol organ sot júıesiniń eń joǵarǵy satysyna aınalady. Bul jerge azamattar zańǵa, omelekettik organdardyń normatıvtik sheshimderi boıynsha shaǵym túsire alady. Osylaısha Konstıtýtsııa tikeleı áreket zańyna aınalyp, azamattar konstıtýtsııalyq quqyqtary shekteldi dep eseptese, Konstıtýtsııalyq sotqa júgine alady. Joǵary aýdıtorlyq palata qurý da mańyzdy. Ol bıýdjet qarjysynyń jumsalýy barlyq deńgeılerde qadaǵalaıdy. Qazirgi tańda tipti Májilistiń ózinde óńirlerdegi bıýjet qarajatynyń jumsalýy týraly aqparatty suratýǵa, memlekettik baǵdarlamalardy iske asyrýdyń tıimdiligin baqylaýǵa quqyǵy joq», - dedi depýtat.

Aıta keteıik búgingi Májilistiń jalpy otyrysynda Aıdos Sarym Májilistiń Halyqaralyq ister, qorǵanys jáne qaýipsizdik komıtetine aýysty.