Bul ózi ósimtal mal - Ekologııa mınıstri býaz kıikterdiń atylýyna pikir bildirdi

<p>ASTANA. KAZINFORM &ndash; Ekologııa jáne tabıǵı resýrstar mınıstri Erlan Nysanbaev býaz kıikterdiń atylýyna pikir bildirdi.</p>

«Jalpy ańdardyń kóbi qyrkúıek pen qarasha aralyǵynda kúıleıdi. Dúnıejúzinde jalpy ańshylyq kezeńi kóptegen ańdardyń kóbeıetin kezine dóp keledi. Biz bıologııalyq, ǵylymı negizdeme aıasynda ańshylyq jasap jatyrmyz. Osy aqpannyń 20-synan bastap kıik atýdy toqtatamyz», — dedi ol.

Erlan Nysanbaev 2025 jyly kıik sany 4,5 mln bastan asatynyn aıtady.

«Tek býaz kıikti atyp jatyrmyz deýge bolmaıdy. Onda elik atýdy, bárin toqtataıyq. Jalpy ańshylyqty toqtataıyq. Sol sebepten, ár nárseni durys túsiný kerek. Eger tek kıikti ǵana býaz kezinde atyp jatsaq, bir másele. Men de oǵan barmas edim. Ekinshiden, qazir 2,5 mln bas kıik bar. Bul ózi ósimtal mal. Byltyr mamyr aıynda týǵan urǵashy laq jeltoqsanda kúıleıdi. Sonda 7 aıdan keıin kúıleıdi. Qarańyzdar, búginniń ózinde 2,5 mln bas bar. Onyń teris yqpalyn dıqanshylar kórip otyr. Bıyl, kelesi jyly ne bolady? Bıyl mamyr aıynda 40 paıyzy tóldeıdi. Ol úıdiń qoıy sııaqty emes. Kúılisi ǵana tóldeıdi. Bıyl 40 paıyz eseppen alǵanda 800 myńdaı qosylady. Sonda 3,3 mln basqa jetedi. 2025 jyly taǵy 1 mln bas tóldeıdi desek, 4,5 mln bastan asyp ketedi», — dedi Erlan Nysanbaev.