Bul Olımpıadada biz kútpegen sensatsııalar kóp boldy – Myrzaǵalı Aıtjanov

<p>PARIJ. KAZINFORM &ndash; Frantsııa astanasy Parıj qalasynda ótip jatqan Olımpıada oıyndarynda bokstan Qazaqstan ulttyq quramasynyń bas bapkeri Myrzaǵalı Aıtjanov Nurbek Oralbaıdyń jekpe-jeginen keıin óz pikirin aıtty.</p>

«Bul Olımpıadada biz kútpegen sensatsııalar kóp boldy. Nurbekti fınalda kórdińizder, baryn salyp judyryqtasty. Eń bastysy jeńiske umtyldy. Biraq, qarsylasy da ońaı shaǵylatyn jańǵaq emes qoı. Myqty boksshy. Ol da, jeńisti bergisi kelmedi. Osyǵan deıin qarap otyrǵan bolsańyzdar, ózderińiz de kórdińizder, álemniń bes dúrkin, Olımpıadanyń eki dúrkin chempıondary da júldege ilige almaı qaldy», - dedi bas bapker.

Sondaı-aq, Qazaqstan quramasynyń barlyq boksshysy Olımpıada oıyndarynda baryn salyp judyryqtasqanyn erekshe atap ótti.

«Parıj Olımpıadasynda ókinishtisi bizge altyn buıyrmady. Biraq, men jigitterge renjimeımin. Olar óz aıqastarynda baryn salyp judyryqtasty. Alaıda, tóreshiler kimniń qolyn kóterdi, sol ary qaraı jarysty jalǵastyryp otyrdy. Bul Olımpıada bárimizge sabaq bolatyny anyq. Osymen ekinshi Olımpıadada altynsyz qalyp otyrmyz. Biraq men qazaq boksynyń jeńisti dástúrge qaıta oralyp, aıaqqa nyq turaryna senemin», - dedi Myrzaǵalı Aıtdanov.

Esterińizge sala keteıik, búgin bokstan erler arasynda 80 keli salmaqta Nurbek Oralbaı Parıj Olımpıadasynyń kúmis júldegeri atandy. Ol fınalda ýkraınalyq Aleksandr Hıjnıakpen judyryqtasyp, jeńilip qaldy.

Aıta ketsek, Parıj Olımpıadasyna bas bapker Myrzaǵalı Aıtjanov jeti boksshy alyp kelgen bolatyn. Ókinishke qaraı, onyń altaýy jarysty erte aıaqtady.

Al áıelder boksynan lıtsenzııa jeńip alǵan úsh boksshynyń ekeýi alǵashqy jekpe-jekekterinde jarys jolyn aıaqtasa, tek olardyń arasynan 50 keli salmaqta Nazym Qyzaıbaı ǵana el úmitin aqtady. Ol el qorjynyna Olımpıada oıyndarynyń úshinshi qola júldesin syılaǵan edi.