Bul medalim saǵan arnalady, Qazaqstan - Olga Rypakova

ASTANA. QazAqparat - Azııa oıyndarynyń chempıony Olga Rypakova Olympic.kz saıtyna suhbat berip, óz jeńisin barsha Qazaqstan halqyna arnaıtynyn jetkizdi.  

«Barlyǵy sátti aıaqtalǵany úshin qýanyshtymyn. Altyn medal ıelendim. Bul medalim saǵan arnalady, Qazaqstan! Barlyq otandastarymdy búgingi merekemen quttyqtaımyn. Bizge qoldaý kórsetkenderińiz úshin alǵysym sheksiz. Óz jerimizden jyraqta júrgen bizderge, sportshylarǵa bul úlken qoldaý. Atletter úshin árqashan demeý kerek. Biz ony qaıda júrsek te sezinemiz. Al jarysqa keler bolsaq, men óz kezegimdi kóp kúttim. Erterek kelip aldyq munda. Ádette jeńil atletıka baǵdarlamasynyń bas jaǵynda synǵa túsetin em. Bul joly eń sońyna qaldyrypty. Sonyń saldarynan biraz qobaljydym. Osy maýsymda taǵy basqa jarystarǵa qatyssam degen oıym bar. Búgingi jeńisimdi Qazaqstanǵa arnaımyn! Merekelerińizben! », - dedi Rypakova.