Bul qaıǵyly qatelik boldy – Netanıahý Rafahtaǵy áskerı emes nysanaǵa soqqy berilgenin moıyndady

<p>ASTANA. KAZINFORM &ndash; Izraıl premer-mınıstri Bınıamın Netanıahý TsAHAL Gaza sektory Rafah qalasyndaǵy áskerı emes ǵımaratqa soqqy bergenin moıyndady. Soqqy saldarynan bosqyndar lagerinde órt shyǵyp, kem degende 45 adam <a href="https://kaz.inform.kz/news/izrail-askernn-rafahka-shabuili-45-adam-kaza-tapti-117ed2/" target="_blank" rel="noopener">qaza tapty.</a></p>

Dúısenbi kúni Izraıl parlamentinde sóılegen sózinde Netanıahý zymyran Rafahqa atylǵan kezde «qaıǵyly qatelik jiberilgenin» moıyndady, dep jazady Amerıka daýsy.

Ol naqty qandaı qatelik bolǵanyn aıtpady, biraq jaǵdaı tekserilip jatqanyn habarlady.

«Beıbit turǵyndarǵa zııan keltirmeýge tyrysqanymyzǵa qaramastan, keshe túnde qaıǵyly qatelik boldy. Jaǵdaıdy tekserip, qorytyndy jasaımyz. Bul bizdiń saıasatymyz», – dedi Netanıahý.

Sol kezde 27 mamyrǵa qaraǵan túni zymyran shabýylynan bosqyndar turǵan shatyrlardyń órtengenin kórsetetin kadrlar tarap ketken. Keıin TsAHAL bul soqqynyń HAMAS nysanasy ekendigi týraly jáne naqty barlaý málimetterine negizdelgenin málimdedi.

Ol sondaı-aq soqqynyń beıbit turǵyndarǵa zııanyn tıgizbegenin, kerisinshe HAMAS-tyń joǵary shendi eki sarbazynyń qaza tapqanyn aıtty. Biraq beıbit turǵyndardyń ólimin kórsetetin kadrlar jarııalanyp, halyqaralyq qaýymdastyq soqqyny aıyptaǵannan keıin Izraıl áskerıleri tergeýdi bastaǵanyn habarlady.

Birikken Ulttar Uıymynyń Qaýipsizdik Keńesi seısenbi kúni Izraıldiń Rafah qalasyna jasaǵan qandy áýe shabýylynan keıin shuǵyl jıyn ótkizdi. Jabyq esik jaǵdaıynda ótken kezdesýdi qaýipsizdik keńesiniń ýaqytsha múshesi Aljır shaqyrdy.