«Bul Gazadaǵy soǵystyń sońy emes...»: Sınvardyń ólimine álemniń reaktsııasy

<p>ASTANA.KAZINFORM - AQSh prezıdenti Djo Baıden HAMAS jetekshisi ıAhıa Sınvardyń kózi joıylǵannan keıin Taıaý Shyǵystaǵy qaqtyǵysty saıası retteýge múmkindik týdy degen pikir bildirdi. Germanııa men Frantsııa basshylary Gazadaǵy atysty toqtatýǵa shaqyrdy, dep jazady <a href="https://ru.euronews.com/my-europe/2024/10/18/sinwar-death-reax-and-new-hamas-leader" target="_blank" rel="noopener">Euronews.</a></p>

AQSh prezıdenti Djo Baıden Izraıl áskeri HAMAS jetekshisi ıAhıa Sınvardy óltirgennen keıin Taıaý Shyǵystaǵy qaqtyǵysty saıası retteý múmkin ekenin aıtyp, Sınvardyń bul maqsatqa jetý jolynda alynbaıtyn kedergi bolǵanyn atap ótti.

«Alǵa jyljı berińder, Gazadaǵy atysty toqtatýǵa bet alamyz. Búkil álem úshin jaǵdaıdy jaqsarta alatyn baǵytqa qaraı júremiz. Bul soǵysty aıaqtap, kepilge alynǵandardy úılerine qaıtaratyn ýaqyt keldi», - dedi Amerıka prezıdenti.

Germanııa kantsleri Olaf Sholts pen Frantsııa prezıdenti Emmanýel Makron da tez arada atysty toqtatýǵa jáne HAMAS tutqynǵa alǵandardy qaıtarýǵa shaqyrdy.

«Gazadaǵy soǵys aıaqtalǵannan keıingi kúni Izraılge senimdi qaýipsizdik kepildigi qajet bolady. Palestına bıligin reformalaý kerek. Eki memleketti sheshimge qaraı ilgeriletý kerek», - dedi Frantsııa basshysy.

Buǵan deıin HAMAS kóshbasshysy ıAhıa Sınvar Gazada óltirilgenin habarlaǵan bolatynbyz.

Artynsha «Hezbolla» HAMAS jetekshisi óltirilgennen keıin Izraılmen soǵysty kúsheıtetinin málimdedi.