Bul burynǵy Golovkın emes - GGG burynǵy promoýteri

ASTANA. QazAqparat - Buryn qazaqstandyq boksshy, orta salmaqta WBA/WBC/IBO tujyrymdary boıynsha álem chempıony Gennadıı Golovkınniń promoýteri bolǵan Golden Gloves kompanııasynyń basshysy Rodnı Berman onyń Saýl Alvaresti jeńýine kúmánmen qaraıdy, dep habarlaıdy Sports.kz.

«Golovkın - men kareramnyń sońǵy 40 jylynda kezdestirgen eń jaqsy adam. Onymen Tom Leffler jumys istep jatyr, ol da naǵyz djentelmen, men qashanda onymen yntymaqtastyq jasaýǵa qýanyshtymyn. Men Golovkındi birge jumys istegen úzdik boksshym dep aıta alamyn.

Golovkın aldaǵy jekpe-jeginde jeńiske jetse eken deımin, biraq men bes-alty jyl buryn Monte-Karloda kórgen GGG men sońǵy jekpe-jegin salystyrsaq, arada ótken jyldardyń áseri baıqalady, ony moıyndaý kerek. Ókinishke qaraı, menińshe, «Kanelo» upaı sanymen jeńip ketýi nemese sońǵy raýndtarda Gennadııdi toqtatýy múmkin», - deıdi Berman Worldboxingnews.net-ke bergen suhbatynda.