Bul barlyǵymyzǵa jáne árqaısymyzǵa, Táýelsiz Otanymyz - Qazaqstan Respýblıkasynyń damýy men gúldenýi úshin qajet - QHA
Qazaqstan halqy Assambleıasynyń málimdemesi
Yrys - yntymaqqa jolyǵady, dáýlet - birlikpen tolyǵady
Búgin Memleket basshysy ósip-órkendegen, táýelsiz, azat Qazaqstandy qurý maqsatyna qol jetkizýdiń sózsiz jańa kezeńi bolyp tabylatyn, negizgi máselelerdiń barlyǵyn qamtyǵan memlekettik saıasattyń strategııalyq baǵytyn aıqyndaǵan «Bolashaqtyń irgesin birge qalaımyz!» atty Joldaýyn jarııalady.
Joldaýda Qazaqstan táýelsizdik jyldarynda erekshe qarqyndy damý úlgisin kórsetkeni atalyp ótti. 2011 jyldyń 1 qańtarynyń ózinde adam basyna shaqqanda ІJÓ kórsetkishi 1994 jylmen salystyrǵanda 12 ese ósip, ár adam basyna shaqqanda 9 myń dollardy qurady, bul deńgeıge jetý 2015 jylǵa josparlanǵan bolatyn. Táýelsizdiktiń alǵashqy 20 jyldyǵynda mundaı nátıjege áli birde-bir el qol jetkizgen joq.
Memleket basshysy údemeli ınnovatsııalyq-ındýstrııalyq damý baǵdarlamasy eleýli úles bere bastaǵanyn jáne eń bastysy ekonomıkany onyń naqty sektorynyń ósimi esebinen tereń qurylymdaýǵa bastaý bolǵanyn egjeı-tegjeıli kórsetip berdi.
Memleket basshysynyń bastamasymen agrarlyq sektorda aýyl ındýstrıalızatsııasynyń damýyna qýatty dúmpý beretin etti mal óndirisin damytý boıynsha buryn bolmaǵan jobany iske asyrý josparlanýda.
Prezıdent N.Á. Nazarbaev aımaqtyq saıasattyń jańa ustanymyn qalyptastyrýdy usynyp: «qýatty bıznez - qýatty memleket» qaǵıdasyn jarııalady.
Joldaýda sybaılas jemqorlyqqa qarsy álemdik reıtıngtegi bizdiń elimizdiń kórsetkishin 45 tarmaqqa alǵa jyljytýǵa jáne TMD-da joǵary pozıtsııaǵa shyǵýyna múmkindik bergen sybaılas jemqorlyqpen kúrestiń áserli nátıjeleri atalyp ótti.
Eń bedeldi álemdik reıtıngterde Qazaqstan aıtarlyqtaı alǵa shyqty. Álemdik banktiń 2010 jylǵy baıandamasynda Qazaqstan bıznes múddesin qorǵaý jóninde reforma júrgizý boıynsha kóshbasshy dep tanyldy. Qazaqstan neǵurlym qolaıly bıznes-klımatty elderdiń álemdik reıtınginde álemniń 183 eliniń ishinde 59 oryndy ıelendi. Bul - Ult Kóshbasshysy men Qazaqstan halqynyń qajyrly eńbeginiń álemdik qaýymdastyqpen naqty moıyndalýy.
Búgin Memleket basshysy kún tártibine halyqtyń ál-aýqatyn nyǵaıtýǵa baǵyttalǵan áleýmettik modernızatsııa jáne jańa áleýmettik saıasat máselesin qoıdy. Bilim berýdi, densaýlyq saqtaýdy jáne tilderdi damytýdyń mańyzdy memlekettik baǵdarlamalary qataryna túbegeıli ınnovatsııalyq baǵdarlamalar: jańa jumyspen qamtý strategııasy, turǵyn úı -komýnaldyq sharýashylyǵyn modernızatsııalaý, turǵyndardy sapaly aýyzsýmen qamtamasyz etý qosyldy. Bul baǵdarlamalar árbir Qazaqstan azamatynyń ómirin tikeleı jaqsartýdy kózdeıdi.
Qazaqstan halqy Assambleıasy Prezıdent Joldaýyn Qazaqstan halqynyń áleýmettik tolysýynyń, onyń aınymas ulttyq birliginiń, qoǵamdyq kelisimi men toleranttylyqty nyǵaıtýdyń, Ult Kóshbasshysynyń aınalasyna toptasýdyń, qýatty ult qalyptastyrýdyń berik negizi dep sanaıdy.
Joldaýdyń til saıasaty baǵytyndaǵy mindetteri qoǵamdaǵy tereń ózgeristerdi, beıbitshilik pen kelisimniń kóptildi jáne kópkonfessııaly qoǵamdaǵy senim, memlekettik qazaq tilin oqýǵa degen shynaıy talpynys pen sol tilmen atalatyn jerge degen syılastyq týǵyzǵanyn kórsetedi. Qazaqstan halqy Assambleıasy Nursultan Ábishulynyń ár Qazaqstan azamaty úshin úsh tildi bilý - baıandy bolashaqtyń kepili týraly oıyn tolyǵymen qoldaıdy jáne iske asyrýǵa kúsh salady.
Qazaqstan halqy Assambleıasy Ult Kóshbasshysynyń 2011 jyldy - Táýelsizdiktiń 20-jyldyǵyn «Beıbitshilik pen jasampazdyqtyń 20 jyly» dep jarııalaý týraly sheshimin qoldaıdy. Táýelsizdik jyldary qazaqstandyq joldyń negizgi qundylyqtary qalyptasty, olar - BOSTANDYQ, BІRLІK, TURAQTYLYQ, GÚLDENÝ. Qazaqstan halqynyń janyna jaqyn bul uǵymdar ár azamattyń ishki jan dúnıesiniń, diliniń, ómirlik qaǵıdattarynyń ólshemine aınaldy.
Bul uǵymdar, 15 jyl boıy, Nursultan Ábishuly Nazarbaevtyń bastamasymen qurylǵan Qazaqstan halqy Assambleıasy jumysynyń negizgi baǵyttary bolyp keledi.
Biz, Ultymyzdyń Kóshbasshysy, Tuńǵysh Prezıdent jáne Táýelsiz Qazaqstannyń negizin qalaýshy Nursultan Ábishuly Nazarbaev, halyqtyń júreginen shyqqan - 2020 jylǵa deıin Prezıdenttiń ókilettigin uzartý týraly bastamany qoldaıdy dep senemiz. Bul bastama búgin Qazaqstan halqyn biriktirip, úlken qoǵamdyq qozǵalysqa, «Qazaqstan - 2020» demokratııalyq kúshter qoǵamdyq koalıtsııasyna aınaldy.
Táýelsiz jáne egemen Qazaqstannyń jalǵyz bılik qýaty - halyq. Qazaqstan halqy óziniń ótkeni, búgini men bolashaǵyn óz Prezıdentimen baılanystyrady. Bul, aqsaqaldardyń danalyǵymen jáne jastardyń serpilisimen, analardyń balalary týraly oılarymen jáne kásipkerlerdiń iskerlik kózqarasymen qabyldanǵan sheshim. Bul qyzmettegi Prezıdentti tańdaǵan erkin jáne erikti jalpyhalyqtyq sheshim.
Qazaqstan halqy Assambleıasy «Bolashaqtyń irgesin birge qalaımyz!» atty Joldaý - halyqtyń óz Kóshbasshysyna baılanysty qabyldaǵan sheshimin qoldaýshy salmaqty dálel ekenin naqtylaı otyryp, barlyq Qazaqstan azamattaryn beıbitshilik pen turaqtylyq negizinde bas biriktirip, Prezıdent naqtylaǵan tapsyrmalardy oryndaýǵa jumylýǵa, birligimizdi saqtaýǵa jáne ózimizdiń saıası tańdaýymyzdy durys jasaýǵa shaqyrady.
Bul barlyǵymyzǵa jáne árqaısymyzǵa, Táýelsiz Otanymyz - Qazaqstan Respýblıkasynyń damýy men gúldenýi úshin qajet.
Qazaqstan halqy Assambleıasynyń Keńesi
2011 jylǵy 28 qańtar