Buqtyrmada qaıyqpen jaǵaǵa jete almaı qalǵan balyqshylarǵa qutqarýshylar kómekke keldi

ÓSKEMEN. QazAqparat – Shyǵys Qazaqstan oblysynda Buqtyrma sý qoımasyna qaıyqpen shyǵyp, jaǵaǵa jete almaı qalǵan balyqshylararǵa qutqarýshylar kómekke keldi, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, qutqarýshylarǵa Slavıanka aýyly mańyndaǵy Buqtyrma sý qoımasynda rezeńke qaıyqpen balyq aýlaýǵa shyqqan adamdardy qatty jel jaǵadan alyp ketkeni týraly habar tústi.

«Olar motorly qaıyqpen shuǵyl túrde qıyn jaǵdaıǵa tap bolǵandardy izdeýge shyǵyp, balyq aýlaýǵa shyqqan jerden 4 shaqyrym jerden taýyp aldy. Zardap shekken eshkim joq. Balyqshylar óz qaıyqtaryna otyrǵyzylyp, jaǵaǵa jetkizildi», - delingen aqparatta.

Osy rette, oblystyq TJD balyqshylarǵa eske salady:

- Rezeńke qaıyqtardy jaǵadan alys jerge bekitýge bolmaıdy. Tipti ortasha tolqyn bolǵan kezde balyq aýlaýdy toqtatyp, jaǵaǵa oralý kerek.

- Qaıyqpen balyq aýlaýǵa barǵan adam júze bilýi kerek.

- Sýǵa shyqpas buryn qaıyqtyń jaǵdaıyn muqııat tekserip, onyń tesik emestigine kóz jetkizińiz.

- Eń bastysy, qutqarý keýdeshesin kıińiz. Qarańǵy ýaqytta jáne daýyl týraly eskertý jarııalaǵan kezde qaıyqpen sý betine shyqpańyz!