Buqtyrma jaǵalaýy Alakól úlgisimen damıdy
ShQO ákimdiginiń málimetine súıensek, jaz kezinde Buqtyrma sý qoımasynyń jaǵalaýyna jergilikti turǵyndardan bólek, respýblıkanyń túkpir-túkpirinen jurt aǵylady. Aldaǵy ýaqytta bul demalys ornyn birqatar ózgeris kútip tur.
«Buqtyrmaǵa baratyn týrısterge jaıly jaǵdaı jasalýy tıis. Alakóldegi sııaqty munda demalys ornynyń ınfraqurylymyn damytý qajet. Tıisti jumystar bıyl bastalady», - dedi aımaq basshysy Danıal Ahmetov.
Onyń aıtýynsha, demalys bazalaryndaǵy túrli nysandarǵa qoıylatyn talaptar qatańdatylady. Jaısyz, eski ǵımarattardyń ornyna jańalaryn salǵan abzal.
«Máselen, qazir Alakólde týrısterge qolaıly jańa qonaq úı kesheni boı kóterdi. Buqtyrmaǵa da osyndaı ózgeris kerek. Halyqqa munda jetý yńǵaıly bolý úshin Osınov asýyn aınalyp ótetin jol qurylysyn aıaqtaý qajet», - dedi oblys ákimi.
Eske salaıyq, Memleket basshysy Qasym-Jomart Toqaev byltyr 13-16 shilde aralyǵynda tórt kúndik qysqamerzimdi demalysyn Buqtyrma sý qoımasy aýmaǵynda ótkizdi.