Buqtyrmaǵa salynyp jatqan kópir aqyly bolýy múmkin

<p>ÓSKEMEN. KAZINFORM &ndash; Shyǵys Qazaqstan oblysyndaǵy Buqtyrma sý qoımasyna salynyp jatqan kópir aqyly bolýy múmkin.</p>

ShQO Jolaýshylar kóligi jáne avtomobıl joldary basqarmasynyń málimetine súıensek, Kúrshim men Samar aýdandaryn jalǵaıtyn Buqtyrma sý qoımasyndaǵy «Qyzyl tý» ótkeline salynyp jatqan kópir osy jyldyń qazan aıynyń sońynda ashylady dep josparlanyp otyr.

Qazirgi ýaqytta tirekterdi salý jáne aralyqtardy ornatý jumystary tolyǵymen aıaqtalyp, kirme joldarǵa asfalt tóselýde.

«Kópirmen júrý aqyly bolýy múmkin. Búginde bul másele talqylanyp jatyr. Naqty sheshim áli qabyldanǵan joq», - dep habarlady vedomstvo ókilderi.

Túpkilikti sheshim tapsyrys berýshi - Avtomobıl joldary komıteti kópirdi jergilikti atqarýshy organǵa bergennen keıin qabyldanbaq.

Eske salsaq, Buqtyrmadaǵy eki jolaqty avtokólik kópiri Qazaqstandaǵy sý ústine salynǵan eń uzyn qurylym bolatyndyǵy habarlanǵan.