Buqtyrma ózenindegi aralda qalyp qoıǵan 9 adam qutqaryldy

<p>Shyǵys Qazaqstan oblysyndaǵy Buqtyrma ózenindegi aralda 9 adam qalyp qoıǵan. Olarǵa qutqarýshylar kómekke keldi, dep habarlaıdy <a href="Kazinform" target="_blank" rel="noopener">Kazinform</a>.</p>

10 jeltoqsan kúni keshki ýaqytta Altaı aýdany Bykovo aýylynan 7 shaqyrym jerde maral sharýashylyǵynyń 9 jumysshysy Buqtyrma ózeni arqyly "Ýral" júk kóligimen úıge bet alǵan. Alaıda, ózendegi bujyr muz olarǵa jol bermedi. Sóıtip, ózen ortasyndaǵy aralda qalyp koıǵan jumysshylar qutqarýshylarǵa habarlasyp, kómek surady.

- TJD qyzmetkerleri shuǵyl túrde sol jerge kelip, 9 er adamdy qaıyqpen jaǵaǵa shyǵardy. Sodan keıin olardy jyly "Kýng" kóligine otyrǵyzdy. Azamattar eń jaqyn jerdegi Bykovo aýylyndaǵy jylytý pýnktine jetkizildi, - dep habarlady ShQO Tótenshe jaǵdaılar departamentiniń baspasóz qyzmeti.

Jumysshylar medıtsınalyq kómekke muqtaj bolǵan joq. Túngi qutqarý operatsııasyna jeke quramnan 12 adam, 3 tehnıka jáne 2 júzý quraly jumyldyrylǵan.

Foto - ShQO TJD baspasóz qyzmetinen