Buqtyrma ózeninde muz keptelisi saldarynan sý deńgeıi kóterilip ketti

<p>ÓSKEMEN. KAZINFORM &ndash; Shyǵys Qazaqstan oblysy Altaı aýdany Lesnaıa Prıstan aýylynda muz keptelisinen Buqtyrma ózeninde sý deńgeıi kóterildi.&nbsp;</p>

25 qarashada saǵat 16:50-de Lesnaıa Prıstan aýylynda muz keptelgen. Sonyń saldarynan Buqtyrma ózeninde sý deńgeıi 430 sm-ge deıin kóterilip ketti. Sol kúni tańerteń sý deńgeıi 310 sm quraǵan. 

«Sýdyń qaterli deńgeıi – 530 sm. Bul muz qatqanda jyl saıyn bolatyn jaǵdaı. Oqıǵa ornynda oblystyq tótenshe jaǵdaılar departamentiniń mamandary baqylaý jasap, adamdar men tehnıka ázir tur», - dep habarlady Shyǵys Qazaqstan oblystyq jedel shtabynan. 

Barlyq qyzmet quraldary sý deńgeıiniń taǵy da kóterilýine daıyn. Dese de eki metrlik bógetten eldi mekenderge sý jaıylýy ekitalaı. 

Eske salsaq, osyǵan deıin Almatyda 500-den asa arnaıy tehnıka joldy qar men muzdan tazalap jatqany habarlanǵan.