Búkilálemdik shala týǵan balalar kúnine oraı is-shara ótti

<p>17 qarasha &ndash; Búkilálemdik shala týǵan balalar kúni. Bul kún merziminen buryn bosaný jáne shala týǵan balalar máselesine nazar aýdartý úshin jyl saıyn dúnıe júzinde atalyp ótiledi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;&nbsp;</a></p>

Mereke 2011 jyly Eýropalyq jańa týǵan náreste kútimi qory (European Foundation for the Care of Newborn Infants, EFCNI), «Little Big Souls» Afrıka elderine kómek kórsetý halyqaralyq qory, sondaı-aq Aýstralııanyń «Shala týǵan nárestelerdiń analary» ulttyq qorynyń bastamasymen quryldy. Búkilálemdik merekeniń negizi qalanǵannan bastap elýden astam el, sonyń ishinde Qazaqstan da qosyldy.

Foto: UMC

2023 jyldyń 17 qarashasynda osy merekege oraı University Medical Center-de Ashyq esik kúni ótip, kishkentaı patsıentterge erekshe kóńil bólindi. Tańerteńnen bastap bizdiń ortalyqta emdelip shyqqan balalar UMC Dıagnostıkalyq ortalyǵynda pedıatr, nevropatolog, gastroenterolog, kardıolog, oftalmolog, hırýrg jáne otolarıngolog mamandarynyń qabyldaýynan, tekserýinen, zertteýleri men konsýltatsııasynan ótti.

Foto: UMC

Tústen keıin barlyq qatysýshy úshin UMC Ana men bala ortalyǵynyń dárigerleriniń qatysýymen patsıentter mektebi uıymdastyryldy. Onda mamandar shala týǵan balalardyń kútimi men yqtımal asqynýlar týraly baıandap berdi.

Іs-sharaǵa professor jáne medıtsına ǵylymdarynyń doktory, Qazaqstandaǵy neonatologııa kafedrasynyń birinshi meńgerýshisi Tamara Qurmanǵalıqyzy Chýmakova qurmetti qonaq retinde qatysty.

Mereke sońy kontserttik baǵdarlamaǵa ulasty. Oǵan patsıentter men ata-analar qatysyp, UMC Ana men bala ortalyǵynyń neonatologııa, neonataldyq hırýrgııa, náresteler reanımatsııasy jáne qarqyndy terapııasy bólimderiniń medıtsınalyq qyzmetkerlerine alǵysyn aıtty.