Búkilálemdik boks keńesi GGG-di «Jyl boksshysy» dep atady

ASTANA.QazAqparat - Búkilálemdik boks keńesi (WBC) 9 qańtar kúni uıymnyń ótken jylǵy jumystaryn qortyndylap, jankúıerlerdiń daýys berýi arqyly 9 nomınatsııa boıynsha 2017 jyldyń úzdikterin (The best WBC 2017) anyqtady, dep habarlaıdy QazAqparat tilshisi wbcboxing.com. saıtyna silteme jasap.

Qortyndysynda WBA (Super), IBO, WBC (Interim) jáne IBF nusqalary boıynsha orta salmaqtaǵy Álem chempıony, qazaqstandyq Gennadıı Golovkın uıymnyń «Jyl boksshysy» jáne «Jyl jekpe-jegi» nomınatsııasy boıynsha jeńimpaz atandy.

Taılandtyq boksshy Srısaket Sor Rýngvısaı «Jyldyń úzdik nokaýty», amerıkalyq boksshy Deonteı Ýaılder «Jyldyń úzdik óner kórsetýshisi», Mıgel Anhel Garsııa «Jyldyń úzdik qaıta oralýshysy», Floıd Meıvezer jáne Konor MakGregor arasyndaǵy jekpe-jek «Jyl oqıǵasy», shvetsııalyq boksshy Badý Djek «Jyldyń úlgili chempıony», meksıkalyq Mıgel Berchelt «Jyldyń jańa sýper juldyzy», meksıkalyq Edýardo Ernandes «Jyl jańalyǵy» nomınatsııasy boıynsha jeńimpazdary atandy.

Aıta keteıik, Gennadıı Golovkın 2017 jyly 12 raýndtyq 2 jekpe-jek ótkizdi. Nátıjesinde «GGG» WBA nusqasy boıynsha álem chempıony Denıel Djeıkobsty (33-2-0, 29KO) tóreshiler sheshimimen jeńip, meksıkalyq Saýl Alvarespen (49-1-2, 34KO) beldesýi teń nátıjede aıaqtalyp, barlyq chempıondyq ataqtaryn qorǵap qaldy.