Búkilálemdik bank: Qazaqstan Doing business reıtınginde qalaı kóterildi

ALMATY. QazAqparat - Búkilálemdik bank ókilderi Qazaqstannyń Doing business reıtınginde qalaısha 8 satyǵa kóterilgenin túsindirdi, dep habarlaıdy QazAqparat tilshisi.

Qazaqstan byltyrǵymen salystyrǵanda bıyl atalǵan reıtıngte 36-orynnan 28-shi orynǵa kóterildi.

Bul reıtıngti jasaıtyn Búkilálemdik bank ókilderi búgin Almatyda vıdeokonferentsııa barysynda Qazaqstannyń 8 satyǵa kóterilý sebepterin túsindirdi.

Banktiń ǵalamdyq kórsetkishter men taldaý departamentiniń sarapshysy Parvına Rahımovanyń aıtýynsha, Qazaqstan úkimeti 2017-2018 jyldardaǵy bıznesti júrgizýdi jeńildetý maqsatynda qosymsha qun salyǵyn tóleýshi kásipker retinde tirkelý ýaqytyn 9 kúnnen 5 kúnge qysqartqan.

Halyqaralyq saýda salasynda «Astana-1» keden deklaratsııasynyń elektrondy júıesi engizildi. Bul óz kezeginde eksport keden qujattarynyń  rásimdelýiniń ýaqytyn azaıtty.

Sonymen qatar, sot óndirisi júıes sapasynyń ındeksi 14-ten 16-ǵa artty.

«Qazaqstannyń reıtıngi 10 ındıkator mınorıtarlyq ınvestorlardy qorǵaý (1-oryn), menshikti tirkeý (18-oryn),  kásiporyndy tirkeý (36-oryn) boıynsha alǵa jyljydy. Kelsimsharttardyń oryndalýy salasynda (4-oryn),  qurylysqa ruqsat alý (35-oryn), salyq salý (56-oryn), elektr júıesine qosylý (76-oryn), halyqaralyq saýda (103-oryn), nesıe alý (60-oryn) salasynda ortasha kórsetkishter qalyptasty. Qazaqstanǵa áli de nesıe alý, halyqaralyq saýda, tólem qabilettiligin talap etý taǵy basqa salalar boıynsha pozıtsııasyn jaqsartý úshin kóp jumys jasaý kerek», - dedi Parvına Rahımova.

Atalǵan reıtıng eldegi bıznes sýbektileriniń saýalnamasynyń nátıjesinde jasalady.

Olar aıtqan aqparat qosymsha tekseriledi. Sondaı-aq memlekettik organdardyń bergen málimetterimen salystyrylady.