Buqaralyq aqparat quraldary - naqty sot sheshimderine yqpal ete alatyn qýatty kúsh - Qazaqstannyń sýdıalar odaǵy
Bul pikirin ol búgin Astana qalalyq sotynyń ǵımaratynda ótip jatqan «Sot bıligi jáne buqaralyq aqparat quraldary» atty aımaqtyq semınar barysynda málim etti.
V.Mıhaılovtyń paıymdaýynsha, tilshilerdiń basty maqsaty - qoǵam ókilderin elde bolyp jatqan oqıǵalardan ashyq túrde habardar etip, biraq zań belgilegen mejeden aspaýy qajet. «Bul týraly biz kóptegen úlken halyqaralyq deńgeıdegi jıyndarda jıi kóterip júrmiz. Men sot bıligi men buqaralyq aqparat quraldary arasyndaǵy baılanys jóninde aıtqanymda sheteldik áriptesterimiz Qazaqstannyń sot ókilderiniń táýelsiz jýrnalıstermen kezdesip turatyndyǵyn estip tańdaı qaǵysty. Alaıda bul elimizde shyn máninde bolyp turatyn jaǵdaı. Árıne, bul kezdesýler barysynda tilshiler tarapynan syn-pikirler de aıtylyp jatady. Olardy estý bizge de ońaı emes. Degenmen bul pikirler, shyndyqqa saı jáne sot qyzmetin jetildirýge baǵyttalǵan bolsa, ony mindetti túrde nazarǵa alamyz», - dedi qoǵamdyq birlestik tóraǵasy.
Esterińizge sala keteıik, elordada ótip jatqan aımaqtyq semınardy Qazaqstannyń sýdıalar odaǵy, «Ádil sóz» halyqaralyq sóz bostandyǵyn qorǵaý qorymen birlesip, AQSh-tyń demokratııalyq damý jónindegi ıÝSAID agenttigimen jáne AQSh elshiliginiń qoldaýymen uıymdastyrýda. Jıynnyń maqsaty - dıalog arqyly sot bıiligi men buqaralyq aqparat quraldary arasyndaǵy baılanysqa qatysty máselelerdi talqylaý bolyp tabylady. Sondaı-aq atalmysh jıyn sot pen BAQ ókilderiniń sóz bostandyǵy men sot salasynda ádildikti qamtamasyz etý maqsatynda áriptestik qatynasty nyǵaıtý jáne sot salasynyń ashyqtyǵyn qamtamasyz etýdi kózdeıdi. Osyǵan qaraı búgingi jıynǵa da sot ókilderimen qatar burqaralyq aqparat quraldarynyń ókilderi, úkimettik emes uıym ókilderi qatysýda.