Buqar Jyraý aýdanynyń murajaıy Qaraǵandyǵa 200-den astam jádiger alyp keldi

   ASTANA. QazAqparat - 7 shildege deıin qaraǵandylyqtar men qala qonaqtary oblystyq tarıhı-ólketaný murajaıynda «Kóneniń kózi - mýzeıde» atty kórmeni tamashalaý múmkindigine ıe bolady. 

«Kóneniń kózi - mýzeıde» kórmesinde óz ólkesine qomaqty úlesin qosqan Buqar Jyraý aýdanynyń týmalary, jazýshylar, ǵalymdar týraly jáne bul jerdiń tarıhy men kórikti jerleri týraly baıandaıtyn 200-den astam jádigerler usynylǵan, dep habarlaıdy Qaraǵandy oblysy ákimdiginiń resmı saıty . 

 

Oblystyq tarıhı-ólketaný murajaıynyń jetekshisi Erjan Nurmaǵambetovtyń aıtýynsha, «Murajaılar aptasy» aqparattyq-aǵartýshylyq aýqymdy joba kórmege kelýshilerdi óńir  tarıhymen tanystyrady. 
- Qazir jaz, oqýshylar demalysta, bizge bul kórmelerge kóptep balalar keledi. Biz úshin ol óte mańyzdy. Sebebi balalar bizdiń bolashaǵymyz, olar óz ólkesiniń, týǵan jeriniń tarıhyn bilýleri kerek, - deıdi Murajaı dırektory Erjan Nurlanuly. 



Esterińizge, sala keteıik, 22 maýsymnan bastap «Týǵan jer» baǵdarlamasyn júzege asyrý sheńberinde jáne Qaraǵandy oblystyq tarıhı-ólketaný murajaıynyń 85 jyldyǵyna oraı «Qaraǵandy oblysynyń murajaılar aptasy» jobasy bastalǵan bolatyn. Ekspozıtsııalar úsh aı aralyǵynda bir birin almastyryp otyrady. Qaraǵandylyqtar jáne qala qonaqtary biregeı jádigerler arqyly óz ólkesiniń tarıhymen tanysý múmkindigine ıe bolady. Buqar Jyraý aýdany murajaıynyń kórmesinen soń, 10 shildeden bastap óz eksponattaryn Jezqazǵan tarıhı-arheologııalyq murajaı alyp keledi.

    

«Murajaılar aptasy» kórmelerine kirý tegin.