Buqar jyraý aýdanynyń Botaqara kentinde karantındik sharalar kúsheıtilýde
«Qaraǵandy oblysynyń Buqar jyraý aýdanynda syrqattaný kórsetkishiniń artýy baıqalady - apta saıynǵy ósim 66%. Turaqsyz epıdemıologııalyq jaǵdaıdy eskere otyryp jáne KVI juqtyrýy men taralýynyń aldyn alý maqsatynda Botaqara kentinde karantın rejımin kúsheıtý týraly sheshim qabyldandy», - dep habarlady taýarlar men qyzmetterdiń sapasy men qaýipsizdigin baqylaý departamentiniń basshysy Qanat Asqarov.
Botaqara turǵyndaryna kent boıynsha asa qajet bolmaǵan jaǵdaıda júrýge tyıym salynady. Arnaıy jáne medıtsınalyq qyzmetterdiń, quqyq qorǵaý organdary men memlekettik uıymdardyń júrip-turýyn sanamaǵanda, basqa turǵyndarǵa jeke kólikpen júrýge tyıym salynǵan.
Qoǵamdyq kólik qozǵalysy da toqtatylady.
Sondaı-aq Botaqara karantındik aımaǵynyń perımetri, kirý jáne odan shyǵý pýnktteri anyqtalatyn bolady. Blok beketter ornatylady.
Qyzmeti ruqsat etilgen kásiporyndar sanıtarlyq-dezınfektsııalyq sharalardy kúsheıte otyryp jumys isteıdi. Qyzmetkerlerdiń densaýlyǵyna uıymnyń ıesi nemese basshysy jaýapty bolady.
Resmı málimetterge saı, Botaqarada KVI 10 jaǵdaıy tirkelgen, 205 baılanysta bolǵan adam anyqtaldy, onyń ishinde 77 adam juqtyrǵandarmen jaqyn qarym-qatynasta jáne 128 áleýetti baılanysta bolǵan.
Sonymen qatar, Buqar jyraý aýdanynda «Qazaqmys» korporatsııasy« AQ Nurqazǵan ken ornynyń qyzmetkerleri arasynda KVI aýrýynyń taralýy tirkelgen. 17 mamyrdaǵy jaǵdaı boıynsha onda 15 COVID-19 jaǵdaıy anyqtaldy.