Búginnen bastap «Astana» men «Chelsı» arasyndaǵy oıynnyń bıletteri satylymǵa shyǵady

<p>ASTANA. KAZINFORM — Búginnen bastap «Astana» men «Chelsı» arasyndaǵy oıynnyń bıletteri satylymǵa shyǵady. Bul týraly «Astana» fýtbol klýby áleýmettik jelidegi paraqshasyna jazdy. </p>

«Astana» fýtbol klýbynyń málimetinshe, matchqa degen qyzyǵýshylyq tanytqandar kóp bolýyna baılanysty bılet satý boıynsha kelesi qaýipsizdik sharttary qarastyrylǵan:

• Bir qolǵa 4 dana bılet satylady: satyp alý elektrondyq poshta, telefon nómiri jáne nesıe kartasyn tirkeý arqyly júzege asyrylady;
• Bıletter jeke tulǵaǵa rásimdeledi, tapsyrys berý kezinde árbir kelýshiniń derekterin engizý qajet, matchqa barǵan kezde ózimen birge rastaıtyn qujat bolýy tıis;
• Matchqa qatysý quqyǵyn beretin QR kody bar elektrondyq bılet match kúni elektrondyq poshtaǵa jiberiledi;
• www.zakazbiletov.kz saıtyndaǵy kezektiń artýyna baılanysty, onlaın kezek iske qosylýy múmkin.

Eske sala keteıik, ÝEFA Konferentsııalar lıgasynyń jalpy kezeńiniń matchy 12 jeltoqsanda, saǵat 20:30–da Almatydaǵy Ortalyq stadıonda ótedi.