Búginginiń batyry: Sýǵa batqan balany qutqarǵan jigit marapattaldy

<p>QONAEV. KAZINFORM — Almaty oblysynda Úlken Almaty kanalyna batyp bara jatqan balany qutqarǵan er adam marapattaldy.</p>

Almaty oblysy Polıtsııa departamentiniń bastyǵy Baýyrjan Álenov bizdiń zamanymyzdyń batyryna alǵys hat pen estelik syılyq tabystady.

«Keremet tárbıe berip, osyndaı eljandy, namysshyl naǵyz batyrdy ósirgen ata-anasyna erekshe atap ótkim keledi. Sebebi, bóten bireýdiń ómirin qutqarý úshin óz-ózine qaýip tóndirý — árkimniń qolynan kele bermeıdi. Bul eń úlken qurmetke laıyq», — dedi B. Álenov.

Osyǵan deıin Talǵar aýdanynyń ákimi Tanat Aıdarbekov erlik jasaǵan Serikjan Botanǵa alǵys hatpen, syılyqqa sońǵy nusqasyndaǵy Ipad-ty tabys etken edi.  

Eske salaıyq, 10 shilde kúni Almaty oblysynda 28 jastaǵy azamat sýǵa batyp bara jatqan balany aman alyp qaldy. 

Belgili bolǵandaı, ózen boıynda kishkentaı balanyń aıaǵy taıyp, sýǵa qulap ketken.