Búginginiń batyry: Almaty oblysynyń ákimi Aqjol Geroıdy marapattady

<p>Almaty oblysynyń ákimi Marat Sultanǵazıev Іle aýdany turǵyndaryna esep berý kezdesýinde jolaýshylar avtobýsyn apattan aman alyp qalǵan oqýshyny marapattady, dep habarlaıdy <a href="Kazinform" target="_blank" rel="noopener">Kazinform.</a></p>

Segizinshi synyp oqýshysy Aqjol Geroı oblys ákimi Marat Sultanǵazıevtiń qolynan «Alǵys hat» pen iPhone 15 telefonyn saltanatty túrde aldy. 

«Mundaı áreketter erekshe alǵys pen qurmetke laıyq. Biz barsha jastarǵa úlgi bolýy tıis óńirimizdiń jas batyryn maqtan tutamyz», - dedi Almaty oblysynyń ákimi.

Sondaı-aq óńir basyshsy bul is erlik pen batyldyqtyń, jaýapty istiń úlgisi ekenin atap ótti.  

Eske salaıyq, 22 qarasha kúni Almaty oblysynda 8 synyp oqýshysy avtobýsty toqtatyp, jolaýshylardy qutqaryp qalǵan bolatyn. 

Keshe Іle aýdanynyń ákimi Baǵdat Qarasaev bala oqıtyn mektepke baryp, oǵan noýtbýk, tátti salynǵan sebet, al ata-anasyna uldaryn jaqsy tárbıelegeni úshin alǵys hat tabys etti.