Búgingi kún bizdiń otbasymyz úshin mereke sekildi bastaldy – Muhtarhan Dildábekov

<p>ShYMKENT. KAZINFORM &ndash; Elimizge belgili boksshy, Sıdneı Olımpıadasynyń kúmis júldegeri Muhtarhan Dildábekov atom elektr stantsııasynyń qurylysy jónindegi respýblıkalyq referendýmǵa qatysyp, daýys berdi.&nbsp;</p>

Qazaqstannyń eńbek sińirgen sport sheberi, asa aýyr salmaqta Olımpıada oıyndarynyń jáne áýesqoı bokstan álem chempıonatynyń kúmis júldegeri, «Parasat» ordeniniń ıegeri Muhtarhan Dildábekov Qaıtpas shaǵynaýdanynda ornalasqan №270 referendým ýchaskesinde óz tańdaýyn jasady.

«Búgingi kún bizdiń otbasymyz úshin mereke sekildi bastaldy. Tańerteńnen kelip óz tańdaýymyzdy jasap, daýys berdik. Búgin halqymyzdyń qabyldaıtıyn sheshimi elimizdiń, balalarymyzdyń jarqyn bolashaǵyna jol ashady dep senemin», - dedi Muhtarhan Qablanbekuly. 

Al, Aqjaıyq shaǵynaýdanyndaǵy «Tulpar» balabaqshasynda ornalasqan №218 referendým ýchaskesinde qoǵam qaıratkerleri Orynbaı Rahmanberdıev pen Shalataı Myrzahmetov otbasylarymen birge kelip, óz tańdaýlaryn jasady. 

«Búgin halqymyz atom elektr stantsııasynyń qurylysyna baılanysty mańyzdy sheshim qabyldaıdy», - dedi Sh.Myrzahmetov. 

Al, qoǵam qaıratkeri Orynbaı Rahmanberdıev el taǵdyryna jany ashıtyn azamat retinde referendýmǵa belsendi túrde qatysyp, azamattyq ustanymyn bildirýge kelgenin jetkizdi.