Búgin – Túrkııada ulttyq aza tutý kúni

<p>ASTANA. KAZINFORM &ndash; Túrkııa prezıdenti Rejep Taıyp Erdoǵan búgin HAMAS saıası bıýrosynyń tóraǵasy Ismaıl Hanııaniń sheıit bolýyna baılanysty bir kúndik ulttyq aza tutý jarııalady, dep habarlaıdy Kazinform.</p>

Rejep Taıyp Erdoǵan áleýmettik jelidegi paraqshasynda Túrkııanyń Palestına máselesin qoldaıtynyn kórsetý úshin qasıetti juma kúni ulttyq aza tutý úshin tańdalǵanyn atap ótti.

– Palestına isin qoldaıtynymyzdy jáne palestınalyq baýyrlastarymyzben yntymaqtastyǵymyzdy kórsetý úshin 2 tamyz, juma kúni HAMAS saıası bıýrosynyń tóraǵasy Ismaıl Hanııaniń sháhıd bolýyna baılanysty bir kúndik ulttyq aza tutý jarııalandy. Ismaıl Hanııany jáne barlyq palestınalyq sháhıdterdi meıirimmen eske alamyn. Jeke óz atymnan jáne elimizdiń atynan Palestına halqyna kóńil aıtamyn, – dedi Túrkııa basshysy áleýmettik jelide.

Buǵan deıin Túrkııa halqynyń Iranda óltirilgen HAMAS saıası bıýrosynyń basshysy Ismaıl Hanııaǵa janashyrlyqpen kóptegen jazbalar jarııalaýyna baılanysty Túrkııanyń búkil aýmaǵynda Instagram-ǵa kirýge tyıym salynǵany aıtylǵan bolatyn.