Búgin túnde tótenshe jaǵdaılar qyzmeti joǵalǵan malshylardy taýyp, shıpajaıdaǵy órtti sóndirdi

<p>ASTANA. KAZINFORM - Búgin Alakól aýdany Dostyq aýylynan 45 shaqyrym jerde 1966 jáne 1968 jyldary týǵan eki er adamdy izdestirý jumystary júrgizildi. Olar 23 qarasha kúni mal aıdaýǵa ketip, osy ýaqytqa deıin baılanysqa shyqpaǵan, dep habarlaıdy QR Tótenshe jaǵdaılar mınıstrliginiń baspasóz qyzmeti.</p>

TJM qutqarýshylary jol talǵamaıtyn Trekol avtokóligimen izdestirý jumystaryna attanyp, eki saǵattan keıin joǵalǵandardy tapty. Olar adasyp ketkenderin aıtty. Olarǵa medıtsınalyq kómek qajet bolǵan joq. Jolǵalǵandar Dostyq aýylyna jetkizildi.

Sondaı-aqbúgin túnde Jambyl aýdany Shaıqoryq aýylynda jeke turǵyn úıdiń aýlasynda 20 sharshy metr alańda shóp jandy.

Qabyldanǵan sharalardyń arqasynda sharýashylyq ǵımarattaryna órttiń taralýyna jol berilmedi. Órt tolyǵymen sóndirildi. Zardap shekkender joq.

Al Saryaǵash aýdany Kókterek aýylynda shıpajaıdyń 3 qabatty ǵımaratynda, 1-qabatta monshanyń qaptamasy jandy. TJM kúshimen órt 6 sharshy metr alańda sóndirildi. Órt sóndirý bólimsheleri kelgenge deıin 22 adam óz betinshe dalaǵa shyqty. Zardap shekkender joq. Órttiń sebebi anyqtalýda.

Osyǵan deıi Abaı oblysynda jer úı órtenip, joǵalǵan malshy tabylǵany týraly habarlaǵan edik.