Búgin túnde tórt oblysta órt boldy

<p>ASTANA. KAZINFORM &ndash; Qaraǵandynyń Kırpıchnaıa kóshesinde ornalasqan 4 qabatty ǵımarattyń ekinshi qabatyndaǵy túngi klýbtyń as úı bólmesinde aǵash qalqalar men jıhazdar jandy.</p>

QR Tótenshe jaǵdaılar mınıstrligi baspasóz qyzmetiniń habarlaýynsha, órt sóndirýshiler kelgenge deıin túngi klýbtyń ákimshiligi adamdardy dalaǵa shyǵardy. Órt 80 sharshy metr alańda sóndirildi. Zardap shekkender joq, sebebi anyqtalýda.

Foto: QR TJM baspasóz qyzmeti

Sondaı-aq Aqmola oblysynyń Astrahan aýdanynyń Astrahan aýylyndaǵy qonaq úılerdiń biriniń qazandyǵynyń shatyry jandy.

Órt 35 sharshy metr alańda sóndirildi. Zardap shekkender joq, sebebi anyqtalýda.

Al Qyzylordada janar-jaǵarmaı stantsııasynan órt shyqty. Salamatov kóshesinde istemeı turǵan janar-jaǵarmaı stantsııasynyń aýlasynda jalpy aýdany 289 sharshy metr bolatyn sharýashylyq qurylysy jáne mal azyǵy jandy.

Órt saldarynan AZS janar-jaǵarmaı operator bólmesiniń syrtqy qabyrǵasy zaqymdaldy. Órt tolyǵymen sóndirildi. Zardap shekkender joq. Órttiń shyǵý sebebi anyqtalýda.

Foto: QR TJM baspasóz qyzmeti

Abaı oblysynda TJM qyzmetkerleri monshanyń órtenýine jol bermedi. Jarma aýdanynyń Shar qalasynda jeke turǵyn úı aýmaǵynda monsha shatyry jandy. Jedel jetken órt sóndirýshiler 4 sharshy metr alańdaǵy órtti sóndirdi. Zardap shekkender joq, sebebi anyqtalýda.

Osyǵan deıin Jetisý oblysynda jylytý maýsymy bastalǵaly 101 órt tirkelgeni týraly jazdyq.