Búgin túnde qutqarýshylar jolda turyp qalǵan eki kólikti qutqaryp, joǵalǵan malshyny tapty

<p>ASTANA. KAZINFORM &ndash; QR Tótenshe jaǵdaılar mınıstrligi búgin túnde bolǵan birneshe oqıǵa týraly habarlady.</p>

Mınıstrliktiń baspasóz qyzmetiniń habarlaýynsha, Qostanaı oblysy Arqalyq qalasy mańynda jergilikti mańyzy bar «Arqalyq-Ashýtasty» avtojolynda boranda adamdary bar 2 jeńil avtokólik jolda turyp qalǵan.

TJM qutqarýshylary «Toyota Hilux» avtokóliginiń kómegimen kólikterdi joldyń tazartylǵan ýchaskesine súırep shyǵardy.

Al Qaraǵandy oblysynda 112 pýltine Aqtoǵaı aýdanynyń «Menesh» qystaǵynan mashınamen mal izdeýge shyqqan 1970 er adam joǵalyp ketkeni týraly habarlama kelip tústi.

Qutqarýshylar joǵalǵan adamdy tapty jáne ol aman.

Sondaı-aq túnde Almatynyń Jangeldın kóshesi boıyndaǵy gúl dúkenderiniń birinde órt boldy. TJM kúshteri 150 sharshy metr alańda órtti jedel túrde sóndirdi. Zardap shekkender joq, sebebi anyqtalýda.

Esterińizge sala keteıik, osyǵan deıin «Qazgıdromet» Qazaqstannyń birqatar óńirinde qarly boran soǵyp, kóktaıǵaq bolatynyn eskertken edi.