Búgin túnde Qyzylordadaǵy bes qabatty turǵyn úıden órt shyǵyp, 43 adam evakýatsııalandy

<p>ASTANA. KAZINFORM - Túnde Qyzylorda qalasy Batyrbaev kóshesi boıyndaǵy bes qabatty turǵyn úıdiń birinshi qabattaǵy páterinde turmystyq zattar órtendi, dep habarlaıdy QR Tótenshe jaǵdaılar mınıstrliginiń baspasóz qyzmeti.</p>

TJM kúshteri 40 adamdy, onyń ishinde 13 balany, avtosatynyń kómegimen taǵy 3 bala evakýatsııalady.

- Medıtsına jáne apattar ortalyǵynyń qyzmetkerleri jáne jedel járdem brıgadasy turǵyndarǵa kómek kórsetti. Órt tolyǵymen sóndirildi. Zardap shekkender joq – delingen habarlamada.

Sondaı-aq túnde Aıagóz qalasyndy Qabanbaı kóshesi boıynda turǵan transformator órtendi.

- Aýa-mehanıkalyq kóbikti qoldanǵan órt sóndirýshilerdiń kásibı áreketteriniń arqasynda órttiń taralýyna jol berilmeı tolyǵymen sóndirildi. Zardap shekkender joq – delingen taratylǵan aqparatta.

Al Almatyda Talant kóshesi boıynda jeke turǵan ǵımaratta 16 sharshy metr alańyn órt alyp, órt sóndirýshiler órtten bir gaz ballonyn qaýipsiz aımaqqa shyǵaryp jarylystyń aldyn aldy. Órt tolyǵymen sóndirildi. Zardap shekkender joq.

Osyǵan deıin elimizde orman órtin erte anyqtaıtyn júıe engizilip jatqany týraly jazdyq.