Búgin tamyz aıynda ótetin UBT bastaldy

<p>ASTANA. KAZINFORM &mdash; Búgin tamyz UBT-sy bastaldy, ol 15tamyzǵa deıin jalǵasady. Testileýge qatysý úshin 21 myńnan astam ótinish qabyldandy. UBT-ǵa qatysýshylardyń 66%-ǵa jýyǵy qazaq tilinde, 34%-y orys tilinde, 69 adam aǵylshyn tilinde test tapsyrýǵa nıet bildirgen. Bul týraly QR Ǵylym jáne joǵary bilim mınıstrliginiń baspasóz qyzmeti málimdedi.</p>

UBT-ny ótkizýdiń birinshi kúni 5,7 myń adam emtıhan tapsyrady.

«Tamyzdaǵy UBT belgilengen shekti ball jınaı almaǵan, beıindi pánder kombınatsııasy sáıkes kelmeıtin UBT nátıjeleri bar, UBT nátıjeleri joıylǵan talapkerlerdiń testileýden qaıta ótip, joo-ǵa aqyly negizde túsý múmkindigi bolýy úshin ótkiziledi. Tirkelý kezinde testilenýshiler emtıhan ótkiziletin pýnktti, kúndi jáne ýaqytty ózderi tańdady», - delingen habarlamada.

Talapkerler testileý aıaqtalǵannan keıin 30 mınýt ishinde apellıatsııaǵa ótinish bere alady.

Sertıfıkat apellıatsııa týraly sheshim qabyldanǵannan keıin testilenýshiniń jeke kabınetinde qoljetimdi bolady.