Búgin respýblıka boıynsha ekpindi jel soǵyp, naızaǵaı oınaıdy - Qazgıdromet

<p>ASTANA. KAZIFORM &ndash; &laquo;Qazgıdromet&raquo; RMK-sy mamyrdyń 26-sy kúngi kún raıy boljamyn jarııalady.</p>

Kásiporyn taratqan derekterge qaraǵanda, tsıklon jáne onymen baılanysty sýyq atmosferalyq aǵyndar elimizdiń basym bóliginde aýa raıyna yqpal etedi. Búgin elimizdiń kóp jerinde túnde jaýyn–shashyn bolady, soltústikte, ortalyqta, ońtústik-shyǵystyń taýly aımaqtarynda – qatty jaýyn-shashyn (jańbyr, qar), soltústikte, shyǵysta, ońtústik-shyǵysta, kúndiz eldiń ortalyǵynda-qatty jańbyr, respýblıkanyń soltústiginde, shyǵysynda, ortalyǵynda, ońtústiginde burshaq jaýady dep kútilýde.

Tek elimizdiń batysynda jáne Qyzylorda oblysynda kún jaýyn-shashynsyz, ashyq bolady. Respýblıka boıynsha ekpindi jel soǵyp, naızaǵaı oınaıdy, soltústik-batysta, ortalyqta, ońtústikte túnde tuman túsedi.

Túnde Aqmola oblysynyń batysynda, Qaraǵandy, Ulytaý oblysynyń soltústiginde, Soltústik Qazaqstan oblysynda, Túrkistan oblystarynyń soltústiginde topyraq betinde, taýly aýdandarynda 1-2 gradýs úsik júredi.

Atyraý oblysynyń batysynda, ońtústiginde, Qyzylorda oblysyndyń shyǵysynda, Batys Qazaqstan oblysynyń batysynda, ońtústik-batysynda, Shyǵys Qazaqstan oblysynyń ońtústik-shyǵysynda, ortalyǵynda, Abaı oblysynyńońtústik-batysynda joǵary órt qaýipi saqtalady.

Abaı oblysynyńońtústiginde, Túrkistan oblysynyń shóldi aýdandarynda tótenshe órt qaýipi saqtalady.