Búgin Qazaqstan Barysy Grand Slam jarysy bastalady

<p>ASTANA. KAZINFORM &ndash; Búgin Astanada dzıýdodan Qazaqstan Barysy Grand Slam jarysynyń alaýy tutanady. Parıj Olımpıadasynyń sońǵy lıtsenzıalary sarapqa salynatyn basty dodaǵa álemniń 92 elinen 519 tatamı sheberi qatyspaq. Olardyń qatarynda 3 Olımpıada, 13 álem chempıony synǵa túsedi.</p>

Atap aıtsaq, Halyqaralyq dzıýdo federatsııasynyń kúntizbesine Qazaqstan Barysy Grand Slam ataýymen engen jarys qatysýshylarynyń qatarynda dzıýdo sportynyń jaryq juldyzy, úsh dúrkin Olımpıada chempıony, 12 dúrkin álem chempıony Teddı Rınerden (Frantsııa) bastap, Olımpıada jeńimpazdary men júldegerleri Akıra Sone (Japonııa), Rafaelıa Sılva (Brazılııa), Baýl An (Ońtústik Koreıa), álem chempıondary men júldegerleri Krısta Degýchı (Kanada), Tsogtbaatar Tsendochshır (Mońǵolııa), Djordj Fonseka (Portýgalııa), Van T End Noel (Nıderland), Valıd Kıar (Frantsııa), Tatsýrý Saıto (Japonııa), Grand Slam jeńimpazdary Doston Rozıev (Ózbekstan), Elıos Mantsı (Italııa), Barýh Shmaılov (Izraıl), Kýbanychbek Aıbekýýlý (Qyrǵyzstan) bar. 

Al Qazaqstan jarysty qabyldaýshy el retinde ár salmaq dárejesinde 4 sportshydan shyǵarýǵa quqyly.

Jaqsylyq Úshkempirov atyndaǵy jekpe-jek saraıynyń tórinde ótetin álemdik dodada Qazaqstan sapynan eki dúrkin Olımpıada júldegeri Eldos Smetov, Grand Slam chempıony Maǵjan Shamshadın, álem chempıonatynyń kúmis júldegeri Ǵusman Qyrǵyzbaev, Gran Prı jarystarynyń júldegeri Ǵalııa Tynbaeva bastaǵan sportshylar el namysyn qorǵaıdy.

Erler arasynda el namysyn qorǵaıtyn sportshylar:

60 kg: Eldos Smetov, Maǵjan Shamshadın, Sherzod Davlatov, Dáýren Súıeýkenov;
66 kg: Ǵusman Qyrǵyzbaev, Janarys Rahmetqalı, Eset Qýanov, Nursultan Zaızaǵalıev;
73 kg: Jansaı Smaǵulov, Danııar Shamshaev, Asqar Narqulov, Baqytjan Ábdirahmanov;
81 kg: Abylaıhan Jubanazar, Rýslan Musaev, Jalǵas Qaırolla, Mádı Amangeldi;
90 kg: Aıdar Arapov, Ermahan Ánýarbekov, Qudyret Dosymov, Muhamedálı Mavlıdov;
100 kg: Nurlyhan Sharhan, Islam Bozbaev, Ádilet Saparǵalıev, Bekzat Shaǵataev;
+100 kg: Erasyl Qajybaev, Elaman Erǵalıev, Mádı Edilbaev, Ǵalymjan Qyryqbaı.

Áıelder arasynda el namysyn qorǵaıtyn sportshylar:

48 kg: Ǵalııa Tynbaeva, Dıana Býrkeeva, Alıra Shegelekova, Jibek Jaqsybaı
52 kg: Tolǵanaı Abeýova, Balnur Ábdeshova, Arýjan Erejepova, Alıma Jumaǵalıeva
57 kg: Baqyt Qusaqbaeva, Uldana Úseın, Dına Muhanbet, Dana Ábdirova
63 kg: Esmıgúl Kýıýlova, Samalaı Erǵalıeva, Krıstına Sotnıkova, Zarına Sarıpova
70 kg: Ekaterına Tokareva, Anastasııa Maıakova, Anastasııa Morozova
-78 kg: Laýra Jánibekova, Anastasııa Nagachevskaıa
+78 kg: Aıda Toıshybekova, Aqerke Ramazanova, Karına Takıeva, Nazgúl Maratova

Bul básekeniń nátıjesinde IJF erejelerine sáıkes jarystyń jeńimpazdary men júldegerleri arasynda álemdik jáne olımpıadalyq reıtıngilerde upaılar bólinedi.

Atap aıtqanda, І oryn úshin 1 000, ІІ oryn úshin – 700, al ІІІ oryn úshin – 500 upaı esepteledi. 

Baıraqty doda 2024 jyly Parıjde ótetin jazǵy Olımpıada oıyndarynyń qarsańyndaǵy sońǵy lıtsenzııalyq Grand Slam jarysy bolmaq.