Búgin Parıjde Rolan Garros týrnıri bastalady
Búgin irikteý saıystarynan qosylǵan, dúnıejúzilik reıtıngide 135-orynda turǵan Mıhaıl Kýkýshkın Qazaqstannan birinshi bolyp kortqa shyǵady. Onyń qarsylasy – álemniń 41-raketkasy, majarstandyq Fabıan Marojan. F.Marojan osy aıda taǵy bir qazaqstandyq, álemniń 61-raketkasy Aleksandr Shevchenkomen eki ret kezdesip, jeńilgen edi.
Rolan Garrosta A.Shevchenko reıtıngide 82-satydaǵy reseılik Aslan Karatsevpen synǵa túsedi.
Qazaqstannyń birinshi, álemniń 19-raketkasy Aleksandr Býblıktiń alǵashqy aınalymdaǵy qarsylasy – irikteý saıystarynan negizgi týrnırge joldama alǵan frantsııalyq, reıtıngide 108-oryndaǵy Gregýar Barrer.
Qazaqstannyń áıelder arasynda birinshi, álemniń 4-raketkasy Elena Rybakına bastapqy kezdesýin reıtıngide 86-satydaǵy belgııalyq Grete Mınnenmen ótkizedi.
ıÝlııa Pýtıntseva (№37) reıtıngide ózinen eki saty joǵary turǵan amerıkalyq, 2017 jylǵy AQSh chempıony Sloan Stıvensten ótýge tyrysyp kóredi.
Ótken jyly Parıjde E.Rybakına men ıÝ.Pýtıntseva úshinshi aınalymnan asa almady. ıÝ.Pýtıntseva dál sol S.Stıvenske jol bergen edi. Al A.Býblık birinshi, A.Shevchenko ekinshi kezdesýinde súrindi.
Juptyq synda bıyl Qazaqstannan Aleksandr Nedovesov pen Anna Danılına qatysady.
Jasóspirimder arasynda Frantsııa ashyq chempıonatynda Ámir Omarhanov, Sonıa Jıenbaeva jáne Asyljan Arystanbekova óner kórsetedi. Sondaı-aq Danıal Rahmatýllaev irikteý dodasynda baq synaıdy.
Rolan Garros týrnıri 9 maýsymda máresine jetedi.
Eske sala keteıik, budan buryn Tımofeı Skatovtyń Germanııadaǵy týrnırdiń chempıony atanǵanyn jazǵan bolatynbyz.
Tennısten álem chempıonatynda Qazaqstan jasóspirimder quramasy irikteý týrnırin ekinshi orynmen aıaqtady.