Búgin «Ordabasy» Chempıondar lıgasyndaǵy alǵashqy oıynyn ótkizedi

<p>ASTANA. KAZINFORM - Búgin, 10 shildede qazaqstandyq &laquo;Ordabasy&raquo; klýby fýtboldan Chempıondar lıgasy birinshi irikteý satysyndaǵy alǵashqy oıynyn ótkizedi.</p>

Jarystyń atalǵan satysynda shymkenttik klýb Moldovanyń «Petrokýb» komandasyn qabyldaıdy.

Kezdesý 10 shildede saǵat 20:00-de bastalyp, «Qazsport» telearnasy arqyly tikeleı efırde kórsetiledi.

Shymkenttik klýb byltyr el birinshiliginde tuńǵysh márte chempıon atandy. Nátıjesinde bıyl alǵash ret Chempıondar lıgasynda baq synaýǵa múmkindik aldy.

«Petrokýb» komandasy 1999 jyly qurylǵan. Bul klýbta da óz elinde alǵash ret chempıondyq ataqty jeńip aldy.

Sondaı-aq olar eki márte (2020/21, 2021/22) kúmis, úsh márte (2017, 2018, 2019) qola júldeger atandy.

Al, 2019/20, 2023/24 jyldarda Moldova kýbogynyń jeńimpazy boldy.

Qarymta kezdesý 17 shildege belgilengen.

Aıta ketsek, bıyl Eýropa lıgasynda qostanaılyq «Tobyl», Konferentsııa lıgasynda elordalyq «Astana» jáne «Aqtóbe» komandalary el namysyn qorǵaıdy.