Búgin Qyzylorda oblysynda ákimder saılaýy ótip jatyr

<p>Búgin Qyzylorda oblysynda aýdandyq mańyzy bar 11 qala, kent, aýyldyq okrýg ákimderiniń saılaýy ótip jatyr, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Tańǵy saǵat 7.00-de ýchaskelerde daýys berý bastaldy. Alǵashqy kelgen turǵyndarǵa syılyqtar úlestirildi. Barlyǵy 51 saılaý ýchaskesi qurylǵan. Onda barlyǵy 81 myńnan astam saılaýshy bar.

Saıası mańyzdy shara Qyzylorda qalasy, Aral, Qazaly, Syrdarııa, Shıeli, Jańaqorǵan aýdandaryna qarasty Aral, Qazaly qalalary, Áıteke bı, Tasbóget kentteri, Talsýat, Qaratereń, Qamystybas, Maılybas, Besaryq, Bestam, M.Nálibaev aýyldyq okrýgterinde ótkizilip jatyr.

Foto: Qyzylorda oblystyq saılaý komıssııasy

 

Shıeli aýdanynyń turǵyny Sántaı Baıdarbekov 30 jyldan beri turaqty túrde saılaý naýqanynan qalmaı keledi. Ol nemeresimen birge №296 saılaý ýchaskesinde tańdaýyn jasady.

«Halyqtyq iste árdaıym birlik tanytýymyz kerek. Men saılaýdan qalǵan emes. Sebebi týǵan jerimizdiń damýyna árbir azamat yntaly bolýy kerek dep oılaımyn», - dedi ol.

Aıta ketý kerek, saılaýda 32 azamat kandıdat retinde úmitker. Olardyń 26-sy ózin-ózi usyný tártibimen saılaýǵa túsip jatyr.

Eske sala keteıik, jyl basynan beri osy kezge deıin aımaqta 26 aýyl ákimi saılandy

Budan buryn Qyzylorda oblysynda eki aýdanda ákim saılaýy ótti.