Búgin qysqy Olımpıadada tuńǵysh ret altyn alǵan kún - hronologııa

<p>ASTANA. KAZINFORM &ndash; Búgin Ońtústik Koreıanyń Kanvondo qalasynda ótip jatqan IV qysqy jasóspirimder Olımpıadasynda shańǵymen tuǵyrdan sekirýden Qazaqstan komandasynyń múshesi Ilıa Mızernyh óz esimin altyn áriptermen jazyp qaldyrdy. Ol Qysqy oıyndarda tuńǵysh ret chempıondyq ataqqa qol jetkizdi.</p>

Tarıh betterine qarap otyrsaq, Qazaqstan quramasy jasóspirimder olımpıadasyna 2012 jyldan beri qaraı qatysyp keledi. Biraq áli kúnge altyn buıyrmaǵan edi. Sol olqylyqtyń ornyn búgin Ilıa Mızernyh tolyqtyryp, koreı elinde tuńǵysh ret Qazaqstan týyn jelbiretip, ánuranyn shyrqatty.

Osy oraıda, qazaqstandyq jasóspirimderi Kanvon Olımpıadasyna deıin qatysqan úsh oıynda qandaı jetistikterge qol jetkizgenin taǵy bir márte eske salyp ótkendi jjón kórdik.

2012 jyl: Insbrýk (Aýstrııa) Olımpıadasy

Qazaqstan quramasy qysqy jasóspirimder Olımpıadasyna alǵash ret 2012 jyly Insbrýkte ótken oıyndarda óz ónerin ortaǵa saldy. Qazirge deıingi eń úlken jetistigimiz de sol alǵashqy Aýstrııa jerinde tirkelgen bolatyn.

Atap aıtsaq, ulttyq qurama músheleri 2012 jyly Insbrýkte 1 kúmis jáne 2 qola medalǵa qol jetkizdi. Nátıjesinde jalpy komandalyq esepte 23-orynǵa taban tiregen edi. Atalǵan basty dodada Galına Vıshnevskaıa-Sheporenko sprıntte kúmis júlde, sosyn iz kesý saıysynda qola medalǵa qol jetkizdi.

Al Sergeı Malyshev klassıkalyq júrispen 10 shaqyrym jarysta máre syzyǵyn úshinshi bolyp kesip, qola júlde alyp qaıtty.

2016 jyl:

Lıllehammer (Norvegııa) Olımpıadasy Qazaqstan jasóspirimderi ekinshi ret 2016 jyly Lıllehammerde (Norvegııa) ótken Olımpıada oıyndarynda baq synady. Nátıjesinde jerlesterimiz bási bıik básekeni 2 qola medalmen aıaqtady. Osylaısha, jalpy komandalyq esepte 26-oryndy mise tutty.

Norvegııa tórinde bir qola júldeni bıatlonshy Arına Pantova sprıntte jeńip alsa, ekinshi júldeni el qorjynyna Elızabet Tursynbaeva mánerlep syrǵanaý sportynan saldy.

2020 jyl: Lozanna (Shveıtsarııa) Olımpıadasy

Qazaq sportshylary úshinshi ret 2020 jyly Lozannada (Shveıtsarııa) ótken Qysqy oıyndarǵa qatysty. Ókinishke qaraı, el namysyn qorǵaýǵa barǵan 26 atletimizdiń birde-biri jeńis tuǵyrynan kórine almady.

Mine, búgin Kanvon-2024 jasóspirimder arasyndaǵy IV qysqy Olımpıada oıyndarynyń birinshi kúninde alǵashqy altynǵa qol jetkizdi. Bul júldeniń basy ǵana bolsyn dep tileıik.