Búgin qazaqtyń tuńǵysh klassık kompozıtory Muqan Tólebaevtyń týǵanyna — 111 jyl

<p>ASTANA. KAZINFORM &mdash; Qazaq mýzykasynyń negizin qalaýshylardyń biri &mdash; MuqanTólebaevtyń shyǵarmalary ózine tán ıdeıalyq mazmundylyǵymen, kórkemdik qundylyǵymen, asqan sheberlik tilimen klassıkalyq mańyzǵa ıe bolyp, halqymyzdyń asyl murasyna aınaldy.</p>

Muqan Tólebaev (1913-1960) — kompozıtor, SSRO — nyń halyq artısi, Memlekettik syılyǵynyń laýreaty, QazSSR-niń eńbegi sińgen óner qaıratkeri. Almaty pedagogıkalyq ýchılışesinde, Máskeý konservatorııasy janyndaǵy qazaq operalyq stýdııasynda oqyǵan.

1941-1945 jj. E. Brýsılovskııden sabaq alǵan. 1951 jyly Máskeý konservatorııasyn professorlar N. ıA. Mıaskovskıı men B. G. Fereniń kompozıtsııa klasy boıynsha bitirgen. Ol qazaqtyń belgili mýzyka sheberi, ulttyq kompozıtor. Ol «Amankeldi» operasynyń (E.Brýsılovskıımen birlesip), QazSSR Memlekettik gımniniń (E. Brýsılovskıı men L. Hamıdımen birlesip) áýenin jazǵan avtor. Qazaqtyń mýzykasyna asa baǵaly mura retinde qosylǵan onyń «Birjan men Sara» operasynyń orny bólek. Ol orkestrlik jáne kameralyq shyǵarmalar, 50-den astam óleńder men romanstar jazdy, halyq ánderin óńdedi, M. Áýezov atyndaǵy qazaq drama teatrynyń spektaklderine, fılmderge arnap mýzyka jazdy.