Búgin qazaqtyń Rozasynyń týǵan kúni

<p>ALMATY. KAZINFORM &ndash; Búgin kúmis kómeı, jez tańdaı ánshi Roza Rymbaevanyń týǵan kúni.</p>

Ánshiniń úlken uly Álı Oqapov Instagram-daǵy paraqshasyna anasyn quttyqtady. 

Roza Rymbaeva 1957 jyly 28 qazanda Semeı oblysy Jańǵyztóbe aýdanynda dúnıege kelgen.

Aıta ketsek, Roza Rymbaeva qazaq estrada ánshisi, professor ári aktrısa, Qazaqstannyń halyq ártisi, Memlekettik syılyqtyń ıegeri, birneshe halyqaralyq konkýrstardyń laýreaty. Qurmet jáne Parasat ordenderiniń ıegeri. Qyrǵyzstannyń (2000) jáne Ózbekstannyń (1984) eńbek sińirgen ártisi. 1977-1979 jyldary «Pesnıa goda» festıvaliniń aqtyq saıysynda jáne KSRO-nyń eń úzdik «Zvýkovaıa dorojka» hıt-paradynda (1978 j. 3-orynda Alla Pýgacheva jáne Sofııa Rotarýdan keıin) joǵary orynnan kórinip, úlken tanymaldylyqqa ıe bolǵan.

Ánshi halyq arasynda kınoaktrısa retinde de tanymal. Ol «Do svıdanııa, Medeo» fılminde basty róldi somdady, ári «Pervaıa pesnıa» fılmi, «Jenskıı vzglıad», «Roza Rymbaeva», «Roza», «Hvost komety», «I snova zdravstvýıte» derekti fılmderine tústi.